" مرض نادر "
عيادة الدكتور بُلبُل الببلاوي
أخصائي ذكوره وعقم وأعضاء تناسلية وجلديه
ونساء وتوليد
وغدد حفظاء صماء
السابعه مساءً . غرفة الكشف .
الدكتور بُلبُل يستقبل إحدي المريضات ويرحب بها داخل غرفة الكشف .
أهلاً أهلاً وسهلاً مدام إعتناء .. سلامتك ألف سلامه اتفضلي اقعدي عيادتك وبيتك ومطرحك .
أهلاً بحضرتك يا دكتور بُلبُل . أشكرك من كل
قلبي .
قوليلي تحبي تشربي إيه عندي دوا كُحه دايت
يجنن قصدي خير مالك سلامتك بتشتكي من إيه
المرادي ؟.
بصراحه أنا جيالك النهارده يا دكتور بُلبُل
علشان محتاجه منك طلب بسيط . وياريت توافق عليه
علشان عايزه أرتاح .. أنا مش مرتاحه وعايزه أرتاح
أرجوك ريحني .
أريحك !! ..
تحت أمرك ولو بأيدي أريحك هريحك أنا
طبيبك الخاص وليس علي الطبيب مرض
اتفضلي اتكلمي مالك .
أيوه أنت ... أيوه انت اللي هتريحني وماحدش
غيرك أنت وبس اللي هيريحني .
أعوذ بالله من غضب الله . مدام إعتناء أنا طبيب متزوج وعندي أطفال براعم
كتاكيت صغيرين بربيهم
عيب جداً تقولي الكلام ده واللي انتي بتطلبيه مني ده يُعتبر فتنه و أنا مش عايز أتفتن .
كتاكيت إيه وفتنه إيه يا دكتور أنت فهمتني
غلط .
امال انتي عايزه إيه مش فاهم !. و إيه ريحني أنا محتاجه أرتاح إيه الكلام الخارج ومش داخل تاني ده
ياريت توضحيلي يا مدام صبري كاد يتهور إنطقي قولي مالك .
هقولك يا دكتور .. كل الحكايه إن أنا طالبه منك منوم أديه لجوزي بالليل . علشان يتخمد وينام
وعلشان أنا أخرج أسهر وافرفش وأريح نفسي . فهمت .
ممم أه .. تمام . تمام خالص .. بقي أنتي عايزه ترمي نفسك فالتهلكه
والهلاك أعوذ بالله أعوذ بالله .
يا هانم عود الكبريت أهم من شرفك استغفري
الله .
يا دكتور تهلكة إيه بس وعود كبريت . اكتبلي أنت
منوم ومالكش دعوه أرجوك ريحني .
طيب أنا عندي فكره هايله هتريحك وهتدعيلي .
هكتبلك علي دوا يصحي جوزك أحسن ماينام ويتنيل علي
عينه ماطرح مراح . صدقيني بجد هو ده الحل الأمثل يا مدام إعتناء .. وبعدين أنا عايز اسألك سؤال
أنتي اسمك إعتناء ومش باين عليكي لا إعتناء
ولا هباب . مهو عنده حق ينام بدري وكل حاجه معاه تنام
بدري .. قومي قومي اجري اغسلي وشك في حمام
العياده وتعالي أكون كتبتلك الدوا .. قال إعتناء قال .
***
مكتب صبري مدير أعمال الدحديحي
قاعة إجتماعات . الجونه
السابعه ونصف مساءً .
شهد جالسه علي يمين طاولة إجتماعات . في يدها البوم صور كبير تتصفحه . يبدو
عليها الدهشه الشديدة
والتعجب وهي تشاهد الكثير من الصور التي التقطت لنادر أثناء تحوله لناديه المُرتديه برندات من أرقي
الملابس الحريمي .. صبري جالس علي مُقدمة الطاوله ينظر لشهد وهو يدخن سيجار
. يمد يده ويأخد
البوم الصور من يد شهد بكل هدوء . شهد صامته تماماً في حالة زهول غير مُستوعبه الموقف !.
أولاً أنا بعتذر لحضرتك يا شهد هانم علي الطريقه اللي جبتك بيها هنا في
مكتبي . أنا مش قصدي
أخطفك أو أأذيكي .. وبعدين اللي كان فالمنديل اللي علي وشك ده بيرفيوم غالي جداً يعني مش مُخدر
ماكنش في إيدي حل غير كده علشان أعرف اقابلك وتديني فرصه أتكلم معاكي
شخصياً .
عايز أقولك يا شهد هانم إن أنا
مدير أعمال الدحديحي بيه أبوكي يعني أنا شغال عنده وكل الخير اللي أنا
عايش فيه من فضله .. و مُستحيل طبعاً أعض الأيد اللي بتمدلي الخير أو اكدب
عليه أوعليكي
وأكيد تهمني مصلحتكم لإني شغال عندكم يا شهد هانم .. الدحديحي بيه ديماً
يكدبني لما بحاول أبين حقيقة
نادر الصياد جوز حضرتك .. نادر الصياد جوز حضرتك بيلعب بيكي وبيلعب
بالدحديحي بيه واتجوزك
علشان غرض هو عايز يحققه . الغرض ده مُمكن يودينا ورا الشمس ويرمي أبوكي
ويرميني ويرمي كل
اللي شغلين في شركاتنا فالسجن .. لازم حضرتك تراعي وتفهميني أرجوكي .. أنا
مش عايز أي د
ماتكملش مش عايزه أسمع منك .. أنت كداب ودادي حذرني منك .. أولاً نادر جوزي
كان ديماً بيقولي
السبب اللي مخليه مُحامي شاطر وأشهر مُحامي في مصر . إنو مُمكن يعمل أي
حاجه تيجي في باله
علشان يظهر الحقيقه يعني بيفكر خارج الصندوق واكيد الصور اللي أنت ورتهالي دلوقتي دي هو كان
متنكر فيها علشان يوصل لحقيقة مجرم مُتلاعب و ده شغله وملكش دعوه بشغل نادر
جوزي من فضلك
مفهوم .
يدخل عليهم بادي جارد ضخم الجثه ينهج
بشده يبدو عليه القلق والتوتر يقاطعهم الحديث ..
صبري بيه مُصيبه .. البوي فريند بتاع شهد هانم كان بيعمل معانا مناوره وبيجري
بعربيته ورا عربيتنا ..
علشان ينقذ شهد هانم . وناصر وممدوح خلصوا عليه بعشر رصاصات فالمخ وعشره فالصدر وعشره
في
الركبه والعربيه أتقلبت بيه فالبحر .
تقف شهد فجأة مصدومه واضعه يدها علي قلبها ... كراويه
تفقد الوعي فالحال لتسقط علي الكرسي مره اخري ..
***
قرية البرانس والبرنسيسات
ساحة قصر برنس البرانس
السابعه ونصف مساءً .
برنس البرانس يحتفل مع نادر وإدوارد بتقديم المُخدرات والحشيش بحضور أشخاص
مُقربين
بدون وجود الدحديحي . نادر مرتدي
علي رأسه كاب لإخفاء شعره الذي بدأء بالنمو محاولاً
ترك جلسة الإحتفال قبل أن يدخل في مرحلة ناديه . لكنه لا يشعر بالقلق لأن كل
المتواجدين
مسطولين ... ينظر برنس البرانس إلي إدوارد
ويعطيه الجوزه .
الحشيش للرجال يا أستاذ إدره أشرب أشرب شد يا راجل ماتخفش أمال أسحب شد .
أولاً حضرتك أنا اسمي إدوارد
ثانياً أنا مش بشرب حشيش . لكن نادر بيموت فيه وبيعشقه
والسبب إنو ترافع عن مُتهمين كتير في قضايا حشيش وكانوا بيجاملوه لما بيخدوا براءة
وكانوا بيجبوله مقابر الحشيش لحد باب البيت .
اتخرس خالص اسمها طربة حشيش مقابر إيه الله يفضحك .. برنس بيه .. أنا متشكر
جداً علي هذا الصرح
العظيم والحفله الكريمه شاكر أفضالك يا فندم .. مُمكن تبعت حد يجيب بجعه
وشانيل علشان نمشي .
لا تمشوا إيه طلاق تلاته ما حد متحرك إلا بعد طلوع شمس تالت يوم .. وبعدين
لسه هندبحلك الخرفان
والعجول والجمال تحت رجلك ونخمس بدمهم علشان نتبارك بوجودكم ... يا سعداوي سعداوي
ابعت هات العجول والخرفان والجمال عشان
نادر بيه و إدره بيه يدبحوهم باديهم دلوقت
.
يميل إدوارد بهدوء إلي رأس نادر ويَهمس في اُذنه .
إلحق يا نادر ده بيقول هنمشي بعد تلات أيام . اتصرف أبوس إيدك اتصرف وبعدين خرفان وعجول إيه
اللي هندبحهم أنا خايف خايف ..
اتهبب اسكت وطي صوتك الله يحرقك ..
انا خايف أكتر منك .
طيب أتخرست يا نادر ... بقولك إيه . خد بالك علشان شعرك إبتدا يطول أوي
وصدرك عمال يكبر
وناديه هتسيطر عليك قريب . أنت إزاي مش قلقان يا أخي . ياريت تلحق تخلص المُهمه
بسرعه
قبل ما ناديه تشرف . بجد مش عايز أشاهد
الموقف الفظيع ده معاك . بُص بُص لأشكلهم عامله إزاي
شكلهم ماشفوش إناث في حياتهم خالص .
أنا جتلي فكره هايله يا إدوارد .. أنا هستغل نفسي أحسن إستغلال وهستغل
ناديه فالمُهمه لما تلبسني
وهبقي سلاح ذو حدين .. أنت إيه
رأيك .
هتبقي إيه يا خويا سلاح ذو حدين ... أنا خايف عليكي أوي أوي يا نادر
خايف عليكي !!. الله يسامحك . أمسك
شد حشيش . شد .. أيوه كده .. يخربيتك أنت بتنفخ
بقولك شد .... الله عليك ... الله عليك ... معلم ... بس كفايه كفايه .
إيه ده !..... إلحق يا نادر . دي الجوزه لسه بتبقبق لوحدها .
خليها تبقبق .. شكل البيض أتسلق . أصلي أنا حطيت فيها كاميرا ومايك .
***
ڨيلا نادر وشهد - الجونه
الثامنه مساء . غرفة نادر وشهد .
تدخل شهد إلي غرفة النوم بخطوات هادئه وهي في قمة الحزن تبكي بعد عودتها من
مكتب صبري
و بعد خبر وفاة كراويه .. تستلقي فوق السرير علي وجهها وتنهار من البكاء
وهي تتذكر كراويه .
" فلاش باك 1 "
أنت ماقولتليش اسم حضرتك إيه .
اسمي فخري فخري مفتخر فاخر . عيلتي من أكبر مُصممي الفخار
وعندنا مصنع معسل فاخر ومحلين فراخ ومحل بخور بالفخفخينا والخروع والخروب
والخوخ .
انتوا علي كده بقي ... فخورين بنفسكم .
فخورين أوي الحمد الله أوي يا فندم .
" فلاش باك 2 "
يا مدام شهد .. مدام شهد .. يا شهد
مدام ..
شهد مدام !.. إيه المجنون ده كمان أنا ناقصه ياربي . يانهاري أنا نسيته خالص
أيوه أيوه يا فخري أنا بحضرلك الهدوم من عند طليقي نادر وجيالك حالاً أهو .
تذهب شهد ومعها بعض البوكسرات والتيشيرتات والبنطلونات إلي باب الحمام من
الخارج
تلمح بعنيها بطاقة فخري واقعه علي الأرض تنحني و تأخذها وتنظر لها
الأسم كراويه عدوي المعداوي .. المهنه عامل أسفلت وطرق وكباري ومجاري
ترمي شهد الملابس من يدها بعصبيه شديده .. وتخبط علي باب الحمام بكل قوه
وعزم .
مين مين اللي بيخبط أنا عريان ماحدش يدخل ماحدش يدخل هضرب فالمليان .
ماحدش يدخل إيه أنا هطلع عينك .. أنت شغال إيه بالظبط فهمني !.
" إنتهاء الفلاش باك "
مازالت شهد مستلقيه علي السرير تتذكر كراويه وهي تبكي بشدة .... وبدون سابق إنذار
تسمع صوت خربشه تصدر من خلف نافذة الغرفه مع صوت نباح وأنين خفيف . ثم عويل
فتنهض مفزوعه وتقف وسط الغرفه
واضعه يدها علي قلبها خائفه وهي تنظر إلي
النافذه .
بسم الله الرحمن الرحيم . أعوذ بالله أعوذ بالله . إيه ده إيه ده .. ده صوت
كراويه لما بيكون حزين
يا ربي أنا خايفه عفريت كراويه جالي يا مامي أنا خايفه .................
مين !. مين !.
شهد مدام .... افتحيلي أنا بردان .. عضمي بيتكتك و بقيت عامل زي الرنجه
المُدخنه.
أنت مين ؟.
هكون مين يعني عفريت يعني . أنا كراويه .. افتحي
.
لاء انت مش كراويه . كراويه مات وشبع موت
أخد تلاتين رصاصه وغرق واكيد بياكل عضم سمك دلوقتي تحت مُحيطات البحار.
يكسر كراويه النافذه ويقفز داخل الغرفه ليصبح
وجهاً لوجه أمام شهد . مرتدي بوكسر فقط ..
إيه ده !. يا نهاري . إيه يا قليل الأدب
ده إزاي تدخل علي مُطلقه وحيده الغرفه كده
.
انا جعان . جعان هموت من الجوع يا شهد مدام .
أكليني مرايتي يا مرايتي ونِزلت دمعتي .
بس أسكت ... متكملش ... عايز تاكل إيه .
أي حاجه اللي تعمليه . حمريلي عضم .
***
قرية البرانس والبرنسيسات
ساحة قصر برنس البرانس
التاسعه إلا ربع مساءً .
جميع الحاضرين في الجلسه مسطولين .. يقف نادر
ويقترب من برنس البرانس . ثم يليه إدوارد .
برنس بيه بعد إذنك أنا عايز أروح الحمام أغسل
إيدي من دم البهايم والحمير اللي دبحناهم من شويه
أستأذن معاليك الكريم .
وانا كمان عايز أغسل ايدي من دم البرنس يا
حمير بيه . اسف أقصد من دم الحماير يا
بهايم بيه
عفواً عفواً يا برنس بيه
تاثير الحشيش بقي عامل عاميله وانت عارف . بعد إذن معاليك الفخيم .
يذهبان نادر وإدوارد إلي داخل القصر ويتركان
الجلسه . ثم ينظر برنس إلي سعداوي .
سعداوي ... الدحديحي بيه تمم علي شنط الفلوس
بنفسه وخلص الثفقه مع الناس ولا لسه
علشان أتأخر كتير ومُمكن يخدوا بالهم .
أنا مش مطمن للي اسمه إدره ده .
لاء يا برنس بيه الدحديحي بيه لسه فوق في
جناحه في القصر و لسه ماخلصش إجتماعه .
طيب بقولك إيه . لما نادر بيه وإدره بيه
يرجعوا . خدهم وديهم علي جناحهم . أنا رايح
أحضر الإجتماع واشوف تم إيه .. فتح عينك كويس
مافيش جنس مخلوق ياخد باله .
أوامرك .
***
قصر برنس البرانس
التاسعه إلا عشر دقائق مساءً . الحمام
نادر ينظر فالمراَة وهو يغسل وجهه بالمياه
يبدوا عليه الإستعجال . شعره طويل وصدره
كبير.
إدوارد مافيش وقت وحيات أبوك إنجدني قبل ما
ناديه تلبسني . في شنطه في العربيه كنت جايبها
فيها
ملابس وشباشب وجزم وشربات و اندرويرات وسونتيانات
وحملات و
استنا استنا انت بتبيع علي الرصيف إيه اللي انت بتقوله ده .. وانا مالي روح جبهم أنت
يا نادر
أنت عايزني أتمسك بيهم في القريه و يفتكروني
فاشونستا لا طبعاً مش هجبهم .
وده منظر فاشونستا .... بص كده فالمرايا ....
بص فالمرايا .......... ما تبص .
أهو بصيت .. باصص .
ده منظر فاشونستا !.
لاء
صدقتني ... روح جيب الحاجه من العربيه خليك
جدع بقي .
***
ڨيلا نادر وشهد - الجونه
العاشره مساءً . سُفرة الطعام .
صوت قرقشة عِظام .. شهد جالسه أمام كراويه
تُشاهده وهو يأكل .
مُبتسمه ظاهراً عليها السعاده لعودته سالم .
يااااااه
اللهم أدمها عضمه وأحفظها من الزوال ... انا أكلت كتير أوي يا شهد مدام .
بالهنا والعافيه علي قلبك .. أنت عارف يا كراويه أنا أول ما سمعت إنك كنت ميت
حزنت أوي عليك و الله كنت بتحشم من العياط عليك و دموعي ماكنتش
راضيه تسكت .
كنتي إيه . بتتحشمي !. . قصدك تتفحتشي يعني تفتضلي تعيطي ودموعك مش راضيه تبطل .
أيوه كنت بتفحتش من العياط عليك .. عارف .. أنا أول
مره أحس إن فيه راجل بيخاف عليا ومُهتم بيا
أنت كنت هتضحي بعمرك علشان تنقذني وانت بتجري
وراهم بالعربيه . الحمد الله إنك معايا وجنبي
ولسه عايش و في ستين داهيه العربيه المهم أنت و
استني يا شهد مدام ... أنا مابعرفش اسوق . أنا
ماكونتش بنقذك ولا جه في بالي أساساً إني
أنقذك
كل الحكايه إن انا لقيتك اتخطفتي من قدام
عيني .. و بعدين لقيت تاكسي ماشي . وقفته وقولتله
اجري ورا العربيه دي بسرعه خطفوا بنت خالتي
.. قالي عايز فلوس قولتله مش معايا فلوس
قالي هات الساعه اللي معاك ادتهاله قالي هات النظاره ادتهاله قالي هات الجاكت والبنطلون ادتهمله
في إيه مالك .... وقفتي ليه ..... مالك يا
شهد مدام ...... انا لسه ماكملتش ....... مالك بتقلعي الشبشب
وبتمسكيه ليه .... طيب فيه حشره واقفه علي
ضهري ولا حاجه ماتحركش ... ماتقولي فيه
إيه مالك .
قوم اطلع بره . اطلع بره . ماشوفش وشك تاني
أنت سامع أمشي بره .
بتطرديني . الله يسامحك ... هايجي يوم وتفتكريني
وتفتكري مرايتي يا مرايتي .
لا مرايتي ولا زفت قولت أطلع بره مش عايزه أشوف وشك مش طيقاك .
علي فكره العربيه بتعتك لسه مركونه زي ماهي
.. بس الخساره في الهدوم والساعه والنظاره
خسرتي 200 مليون في ثانيه بسببي . لكن أوعدك يا شهد هانم هشتغل ليل نهار هاكل النجيله أكل
علشان أرجعلك فلوسك أنا عندي عضم وكرامه .. قال كنت بعيط وبتحفتش
عليك قال
سلام .... أنا ماشي .
***
عيادة الدكتور بُلبُل الببلاوي
أخصائي ذكوره وعقم وأعضاء تناسلية وجلديه ونساء وتوليد
وغدد حفظاء صماء
الحاديه عشر مساءً .
عصافير .... انتي يا اللي اسمك هبابه ردي .
شكلي هغيرك قريب واجيب طيور غيرك .
أيوه .. بقالي ساعه برنلك ... دخليلي أخر
حاله عندك . تقريباً اسمها مدام إشتهاء دخليها
عايز ألحق أتعشا مع الأولاد .... يغلق دكتور
بُلبُل الأتصال مع عصافير ويقف .
تفتح
عصافير الجنه الباب وتشاور للمريضه بالدخول والترحاب وتغلق الباب خلفها .
يقترب دكتور بُلبُل ويصافحها .
أهلاً أهلاً أهلاً مدام إشتهاء نورتيني ونورتي العياده كلها جعلتيني مُثير للشفقه بجد .
أهلا بحضرتك يا أعظم دكتور متشكره جداً علي ترحيبك
الراقي .
اتفضلي نامي علي السرير هنا . قصدي اتفضلي
اقعدي علي الكرسي ده استريحي .
أنا قريت التحاليل والتقارير بتعتك .. بس
للأسف مش فاهم حاجه .. مُمكن توضحيلي إيه المشكله
وبتشتكي من إيه أو إيه اللي تعبك بالظبط .
اللي بشتكي منه يا دكتور بُلبُل بكل إختصار ...
الكُسكُسي
هو
السبب في كل المشاكل اللي بيني وبين جوزي . وجوزي روحه فيه وبيحبه موت .
الكُسكُسي !.. الكُسكُسي ماله يا مدام إشتهاء
.. قولي . لو مكسوفه تتكلمي ومُحرجه مُمكن
أشرحلك
اللي انتي عايزاه وأفهمك كل حاجه عنه .. أنا تخصصي
الأصلي مسالك بوليه وكُسكُسي .
ياريت تشرحلي لإني بجد تعبت تعبت مع جوزي ومنعاه عنه بقالي ست شهور مش بيدوقه
وهو
حالف يطلقني بسبب الموضوع ده .. تعبت مش عارفه أعمل إيه فالمشكله دي
لو أعرف أنتزعه من قاموس حياتي علشان المشاكل
اللي أنا فيها تختفي . أكيد هعمل كده وأنتزعه.
لاء إزاي يا مدام إشتهاء إياكي تفكري كده ..
انتي زوجه واعيه ومُتعلمه و الكُسكُسي ده يُعتبر جزء
لا يتجزأ من جسدك وجسدك لا يتجزأ منه . يعني
انتو الاتنين متجزئين في بعض وماتقدروش تستغنوا
عن بعض . وده دليل انوثتك وعنوانك . مش انتي
بطاقتك الشخصيه بيتكتب فيها انثي خلاص
يبقي
الكُسكُسي هو السبب إن اسمك ونصيبك يتكتب كده
ولا أنا غلطان .
أيوه يا دكتور بس . بس أنا عملتهوله بكل
الأنواع مره بالشُربه ومره فالفراخ ومره بالحم ومره
بالسمك ومره بالخضار و مره بالسكر ومر
استني استني توقفي إهدئي اكبحي جماحك .. انتي بتتكلمي عن إيه بالظبط !..
أنا بتكلم عن طريقة عمل الكُسكُسي . عملتله
كل الأنواع وهو زهق و عايزني أطبخه بطرق
تانيه
ومتنوعه . معاك طريقه ووصفه تانيه علشان
خاطري جوزي حالف يطلقني .
تعرفي يا مدام إشتهاء .. انا عشت طول عمري قلق وحذر إني أقابل حد يجبلي جلطه وأتجلط
وها جائت اللحظه . أتفضلي لمي المطبخ اللي انتي فاتحهولي ده واطلعي بره . بره الكشف انتهي .
***
قرية البرانس والبرنسيسات
قصر الحريم - جناح شانيل وبجعه
الثانية عشر منتصف الليل .
حريم عائلة البرنس يحتفلون بشانيل وبجعه .
تقديم الولائم مع جو مليء بالبهجه و الفرح والسرور
بجعه واقفه بعيداً وحيده بالقرب من نافذه . وفي يدها كاميرا . تقوم
بتصوير قصر برنس المُقابل
والقريب من قصر الحريم . تسجل كل تحركات
الدحديحي ومن معه و كل ما يحدث داخل جناح
الدحديحي ... تترك شانيل جميع النساء وتتوجه
بالقرب من بجعه وتقف بجوارها .
بجعه بجعه أنتي تعملي إيه !...
أنا
بسجل اسكتي دلوقتي يا شانيل روحي اتكلمي مع الستات علشان مايخدوش بالهم
لا أنا
خافيه منهم شكلهم يعرب . روحي بجعه كلمي ستات وأنا أصور .
طيب امسكي .. عينك علي الشباك اللي هناك
ده صوري كل تحركتهم وكل شنطه معاهم
مفهوم . أعملي زوم ... أيوه كده ..... كفايه كفايه دخلتي في عين
الراجل . إرجعي شويه
تمام ... شاطره إرجعي كمان .. بس كده
***
ڨيلا نادر وشهد - الجونه
الحديقه
الواحده منتصف الليل .
ليل وأضواء خافته وهدوء وسكون تام مع صوت
صرصور الحديقه المُزعج
كراويه مستلقي علي ظهره فوق الحشائش وسط الحديقه . واضعا قدم فوق قدم .
سارح يفكر .
وهو ينظر إلي النجوم .. تأتي إليه شهد وتجلس
بجواره وفي يدها مج ساخن ..
أنا مش قولتلك مش طيقاك ومش عايزه أشوفك . أنت
بتعمل إيه في الجنينه أمشي اطلع بره .
يقف كراويه بهدوء وينظر لها لبعض الوقت صامت
. يبدوا عليه الزعل الحقيقي ... يهز رأسه لها
بالموافقه
. ثم يبدأ يتحرك للخروج من الحديقه ... تنظر إليه شهد صامته وهو يُغادر ..... ثم
تتنهد .
استنا .... تعالي .... أنا عملالك نسكافيه .
لاء يا شهد هانم .. أنا مابجيش بالحاجات دي
بصراحه أنا ماعرفش اسمه إيه ولا اتربيت عليه ولا عشت بشربه . ومش دي الحاجات اللي بتجبني
لحد بيجرحني
.
أمال بتيجي إزاي !.
أنا مش باجي ... قلبي الطيب هو اللي بيجبني
غصبن عني علشان بخاف عليكي بجد .
لا يا راجل . تتصدق أول مره أشوفك بتتكلم جد وأتأثرت
وبتحفتش من الدموع فعلاً .
الله يسامحك ... أشوف وشك بخير .
استنا عندك .. أولاً أنت من دلوقتي شغال عندي
بل 200 مليون اللي ضيعتهم
شوف بقي هتشتغل عندي كام سنه . ولو طلعت بره
الجنينه هبلغ البوليس .
ده إستبساس بقي ولا إيه أنتي كده بتستبسيني .
هههه اسمه إستبزاز .. مش إستبساس أه مهو ليك حق تقول كده عايش مع القطط والكلاب .
الله يسامحك .. انا لازم امشي قبل ما النجمه تخلص علشان ألحق .
قبل ما النجمه تخلص يعني إيه وتلحق إيه .
الله يخربيتك علي طريقة كلامك
تعالي أقعد جنبي بقولك . أنا خايفه من صوت
الصورصار اللي بيصوصو ده
تعالي بقي ... ماتزعلش مني .. أسفه .
نعم .... أديني قعدت جنبك .. نعم .
امسك اشرب النسكافيه . شكلك بردان .
ماقولتلك مابجيش بالحاجات دي .
اتهبب امسك لحسن وديني ادلق المج فوق راسك وهو سُخن .
***
قرية البرانس والبرنسيسات
قصر برنس البرانس - جناح نادر وإدوارد
الواحده ونصف بعد منتصف الليل .
ناديه جالسه أمام المراَة مُنهمكه في تصفيف
شعرها ووضع مساحيق التجميل مستعجله .
إدوارد حياتي . تعالي كده شوف الألوان دي
لايقه علي عيني وقريبه من البشره البرونزيه بتعتي .
وريني .... إيه القرف ده . وبعدين بزمتك ده
منظر وشكل بشره برونزيه !.
أيوه .. أصلها دخلت الأولمبياد وحصدت .
حصدت إيه إن شاء الله .
بشره برونزيه . انت مش شايف . بص كده أنوثتي هتنفجر في قرية برنس البرانس
والبرنسيسات
كل برنس منهم هيحلم بيا في أحلامه الشهونيه المُتوهجه .
نادر .. انا بيجيلي إشمئزاز وإستفزاز لما ناديه بتلبسك بجد . أه انت شكلك
يغطي علي نانسي وهيفاء
واللي جابوهم بس جمالك زايد عن اللزوم يجزع النفس . بعد كده بجد هاجيب خيار مخلل في
جيبي
لأني بجد بقرف منك .
قولتلك ألف مره اسمي ناديه ناديه ناديه ااف
انت مابتفهمش . اوعي من وشي اوعي .
طيب حاسبي بس صدرك طلع بره وانتي متعصبه منظر أو
أ أقول إيه بس اتفوخس .
إيه ده انت بتف عليا وبتطعني في شرفي العفيف العنيف .
بقولك إيه أنا ماقربتلكيش ولا لمستك ...
خليكي في حالك و سبيني في حالي من فضلك مُمكن .
أكيد
مُمكن . علي العموم أنا نازله أشيك علي
المُهمه هعمل نفسي واحده ماشيه وتاهت وجت
القريه .
طيب روحي أعملي كده . روحي في ستين داهيه .
****
ڨيلا نادر وشهد - الجونه
الحديقه
الثانيه منتصف اليل .
جو هاديء يتخلله صوت صرصور الحديقه الرومانسي . مازالت
شهد جالسه بجوار كراويه
وسط الحديقه وأضوائها الخافته . يتبادلان الحديث ويتجادلان من حين لأخر .
تعرف يا كراويه ... أنا حابه أحكيلك حاجه عن
نادر طليقي وقد إيه كان بيحبني وبح
ماتبطل اللي بتعمله ده بتهرش بأيدك ورا ودنك بسرعه كده ليه . بطل .
بخاف حاجه تيجي فيا
أنت جربان . لاء بجد أنت محتاج تتعالج .
بتهرش وبتاكل عضم و تهوهو فيه إيه عايزه
أفهم أنا .
الله يسامحك ... العيب مش عليكي .. العيب
عليا أنا علشان تنازلت وخبيت في قلبي بقالي كتير
وجه
الوقت اللي أقولك فيه كل حاجه وإيه السبب اللي بيخليني أعمل كده .
اتفضل اتهبب قول .
طيب أسكتي طيب عشان أقول .. قربي ماتخفيش مش ههرش
تاني .
فلاش باك
ليل - عزاء
الثالثه فجراً وبعد إنتهاء العزاء بكثير .
عائله فقيره جداً جدأً .. لا يتحملون نفقات تربية كراويه . الذي هو رضيع
الولاده
و الذي تركته أمه الحبيبه وحيداً للتو . لا يملك أي شيء لا مال لا عائله وحيداً مقطوعاً
من شجره
ينظر أبو هند إلي ام هند أثناء بكاء هذا الرضيع
اليتيم المسكين ويقول
الله يرحمها ويحسن إليها .. ماتت وسابتهولنا
عضمه حمره
انا
هاخد كراويه دلوقتي وهمشي . وهعمل اللي انا قولتلك عليه يا ام هند ربنا يسامحني
ربنا يسامحني معاك يا أبو هند .. خده واعمل
اللي انت عايز تعمله فيه أرميه .
يأخذ أبو هند كراويه من فوق السرير ويضمه لحضنه
ويخرج من البيت ليلاً متنكراً
ويذهب به و سط ليل حالك السواد . يمشي كثيراً
وكثيراً وكثيراً في وسط ليل حالك السواد
.
ينهج
وقد تعب فيستريح ليشرب بعضاً من المياه في
وسط ليل حالك السواد .. يقف و يكمل طريقه
وكراويه معه نائماً في حُضنهِ طفل رضيع
وديع لا به ولا عليه .. حتي يصل أبو هند مكاناً مهجوراً
ويترك كراويه وحيداً ويرحل في وسط ليل حالك السواد . لكنه فعل شيء أقبح
من ذنب لا يُغتفر
ترك أبو هند كراويه بجانب . كلبه تُرضع أولادها التسع الصغار .
اتخرس ... بقولك اتخرس اسكت . ... اسكت
ماتكملش مش عايزه أسمع
بس انت عرفت منين إن شاء الله إن أبو هند وام هند اللي عملوا فيك كده !.
ما أنا إستنتجت بفطنتي .. لإني اتفطمت وانا رضيع الولاده صغير يعني و
اسكت خالص . بقولك إيه . أنا رايحه أنام .
اللي تشوفيه براحتك ... وانتي من أهله .
أنا ماقولتلكش تصبح علي خير . خليك بقي لوحدك
في سط ليل حالك السواد علي دماغك .
***
عيادة الدكتور بُلبُل الببلاوي
أخصائي ذكوره وعقم وأعضاء تناسلية وجلديه ونساء وتوليد
وغدد حفظاء صماء
الثانيه بعد منتصف الليل .
يُلملم دكتور بُلبُل أوراقه ويضعها فوق المكتب
ثم يقف ويرتدي الجاكيت ويمسك حقيبته
ويتجه للخروج من غرفة الكشف . وقبل الخروج يرن
هاتفه . فيتوقف ويتعصب و يرد .
يادي النيله
يادي النيله ... الو .... أيوه انا الدكتور بُلبُل مين معايا ...... ناديه
مين ...
أه ... بقولك إيه يا اَنسه ناديه انتي
رجعتيني من علي باب الخروج عندي براعم كان نفسي أتعشا معاهم
بكره بكره .... سلام .
_______
ناديه تقود سيارتها
استنا وحياتي ده أمر هام أمر فيه جنين أو موت . خمس دقايق أنا قربت علي
العياده
ده حتي أنت عمرك ماشوفتني وأنا ناديه .
اقسملك مش هتقدر تخذق عينيك لو شوفتني
استناني وحياتي وحياتي .
_______
أمري لله . أمري لله يا اَنسه ناديه أنا في إنتظارك .
ينهي الدكتور بُلبُل المكالمه مع ناديه .
ويجلس .. يطلب عصافير .. و تأتي له في
الحال .
اسمعيني كويس شغلي نور العياده كله تاني ..
في وحده ملبوسه علي وصول
ولو سمعتي صوتي وانا بصرخ ولا حاجه .
ماتتأخريش وتدخلي بسرعه تشوفي في إيه .
حاضر يا دكتور بُلبُل تحت أمرك .... في .. موضوع عايزه أتكلم مع حضرتك فيه .
مُمكن .
أكيد طبعاً
مُمكن .. أتفضلي يا عصافير يابنتي .
أنا ............. أنا جوزي عايز يطلب إيدي منك
.
جوزك عايز يطلب إيديك مني ... وماله عادي تحت أمرك
. شوفي الوقت اللي يريح سعادته
وانا في إنتظاره ... انتوا اكيد متجوزين
بقالكم كتير ونفسكم تتخطبوا . أنا بحس بمعناة الشباب
صبرتوا واتحملتوا . أنا ماعنديش أي مانع . ألف ألف مبروك يا عصافير .
الله يبارك في حضرتك يا دكتور يا رب . أنت هتخليني أصوصو من الفرحه بجد .
لاء بيضي أحسن .
تدخل ناديه فجأة وهي في قمة الجمال والشياكه والأناقه . يسبقها عطرها
الفواح .
دكتورتي حبيبتي عامل إيه يا أجمل دكتور وطبيب
جراح قلوب الناس تداويها وياما جراح
صدورنا طلعت عشان تغطيها وحشتني موت .. مين اللي معاك دي .. هي بُلبُله
مراتك عارفه
إنك بتسهر مع فتيات ليل في أوقات مُتأخره كده
.
ينظر لها دكتور بُلبُل من الأسفل إلي الأعلى
وهو في قمة الإندهاش والتعجب من جمالها
الأخاذ
لا يستوعب ولا يتحمل كل هذا الجمال الأنثوي المُتفجر .
دمتم بخير : محمد فيوري MP4
تعليقات
إرسال تعليق