" مرض نادر "
شانيل ... شانيل ... فين
إدوارد وناديه .... قولي اتكلمي فين إدوارد وناديه
إييه ... إدوارد مسكت
الإيد وباست الخد وطلعوا فوق عند اوضتها .
يانهار اسود ومنيل مسكت
الأيد وباست الخد !!.
تترك بجعه شانيل فالحال
وتذهب مسرعة لتصعد السلالم الداخليه مُتجهة إلي غرفة إدوارد
وأثناء ذلك تتعثر
وتتكعبل وتسقط متدحرجة نزولا من الدرجات العليا للأسفل حتي تصل تحت أقدام
شانيل مره اخري . لتفقد
الوعي تماما تندهش شانيل وتقلق عليها بشدة .
يا هنار اوسد بجعه بجعه
انتي كويسه بجعه بجعه نادر إدوارد نادر بجعه ماتت إحلقوني .
***
قسم شرطة الجونه
الواحده بعد منتصف الليل .. مكتب الضابط فخري .
الضابط فخري جالسا أمام
مكتبه يتحدث في التليفون .
يا حبيبتي طيب أعمل إيه
طيب قوليلي . أنزلك القاهره إزاي ما انتي عارفه شغلي عندي كماين وتفتيش
في كل مكان والحمار اللي
اسمه كراويه وديني لما اشوفه هعدمه .. ماينفعش أنزل . هو اللي كان بيقف
مكاني في اللجنه لما باجيلك
القاهره ... لاء مافيش حد غيره ... أقولك اقفلي اقفلي فكرتيني . باي يا حياتي .
ينهي الضابط فخري
مكالمته مع حبيبته وينادي علي المساعد عماد .
عماد ... عماد ... انت
يا يابني انت فين .
نعم نعم يا باشا أوامرك
يا فندم تحت امرك .
لسه مافيش أخبار عن الزفت اللي اسمه كراويه و
يعني إيه مش عارفين تلاقوه الوقت ده كله
ده قسم بوليس ولا قسم أعلاف
عايز أفهم انطق فهمني .
انا سمعت يا باشا إن فيه
كلبه أكلته وخلصت عليه .
انت بتقول إيه يا عبيط
انت انت اتجننت في عقلك كلبه إيه اللي أكلته .
اصلي يا فندم كراويه
الله يرحمه كانت روحه فالكلاب و كان يتمني الموت بعنيه ويطلعله ديل
ولما حضرتك كنت بتزعله
كان يجي علي بالليل ويقعد علي جنب ويفضل يهوهو ومايخلناش نعرف ننام .
اه .. قولتلي .. انت
مجنون انت كمان زي كراويه ... بقولك ايه يا عماد تقف مكاني فالكمين كام يوم .
يعني إيه يا باشا
لامؤخذه مش فاهم .
اقعد أقعد هفهمك .. تحب تشرب إيه .
***
فيلا إدوارد
الثالثه بعد منتصف الليل .. غرفة بجعه .
بجعه نائمه علي السرير
فاقده الوعي تماماً .. ناديه وإدوارد وشانيل يحاولون بكل السُبل إفاقتها
لكن لا فائدة ... تبدأ
تنهمر دموع ناديه حزنا علي بجعه .
مسكينه .. الله يرحمها
ويحسن إليها .. عاشت طول عمرها مكسورة الجناح .. يا ريت تفكر معايا يا إدوارد
هنعمل فيها إيه .
هندفنها فالجنينه ولا نولع فيها ونخلص . أنا مش قادره اتحمل مش قادره جسمي مش علي
بعضه مش بستحمل .
يعني هنعمل فيها إيه بس
يا نادر خليها يمكن تنفع في حاجه أو ممكن نحنطها ونتبارك بيها .
قولتلك مليون مره اسمي
ناديه ناديه ناديه انت ايه مابتفهمش . إن إد إيا .
ده وقته الله يحرقك ده
وقته ... أه بس .. انا جاتلي فكره هايله . انا عندي واحد صاحبي دكتور بيطري
اسمه زعزوع المرزوعي هتصل بيه يجي يكشف علي بجعه فورا .
المرزوعي !!. وده أترزع من إيه يا إدوارد . وحياتي نفسي اعرف
الحكايه الشيقه دي .
اخرسي اخرسي خالص اخرسي مش عايز اسمع صوتك قال إن
إد إيا قال .
الو .. دكتور مرزوعي .. أهلا
أهلا يا دكتور أنا إدوارد نجيب البساتيني نجيب ورد ... لا مش أجبلك ورد
يا فندم مش قصدي . ده اسمي .. انت مش فاكرني ولا إيه يا مرزوعي عيب عليك يا راجل .
***
عيادة الدكتور بُلبُل الببلاوي
أخصائي ذكوره وعقم وأعضاء تناسليه وجلديه ونساء
وتوليد
وغدد حفظاء صماء
الثامنه صباحا ..
عصافير ... مدام إحتجاج
وصلت ولا لسه .... طيب دخليها يا بنتي سايباها قاعده كل ده ليه
مش ناقصين تعملنا
مظاهرات وتقفلنا العياده .. دخليها يا ماما دخليها يا بنتي ربنا يهديكي .
يقف دكتور بُلبُل ويرتدي
البالطو الأبيض ثم يرتدي جوانتي أبيض ويعلق سماعة الكشف حول عنقه .
تفتح عصافير الجنه الباب
وتشاور للمريضه بالدخول والترحاب وتغلق الباب خلفها .
أهلا أهلا أهلا مدام إحتجاج
.. خطوه عزيزه جميله ... الف سلامه . اتفضلي يا فندم اتفضلي ..
ها ... قوليلي بقي فيه
إيه وبتشتكي من إيه .. ماتقلقيش خالص لو كسرتي البيت كله علي دماغ جوزك
الأعمار بيد الله و انتي
ست مؤمنه وتعرفي ربنا كويس . ها نقول الله
يرحمه ويغفرله ويحسن إليه .
لا يا دكتور . مش كده
خالص . ده هو اللي كسرلي ضلع وجيالك أتعالج انا تعبت تعبت .
ويا تري طلعلك عشره غيره
ولا لسه قصدي . ازاي كسرلك ضلع انتي في
مقام حرمة بيت
انتي حرمه ومُحترمه وفي
نفس الوقت متحرمه ماينفعش يعمل معاكي كده حرام .
أهو . هو ده اللي حصل يا
دكتور .. انا عايزه علاج بأي طريقه مش عارفه اتحرك ولا اتخانق معاه .
ايوه يا مدام إحتجاج بس
انا ... انا دكتور نساء وتوليد وذكوره وعقم وحاجات كتير دخله في بعضها
مش دكتور ضلوع ولا مثلثات .. بس اللي انا عايز
اعرفه بتحتجي ليه انتي بتحتجي ليه . ما الراجل
ليه حق يحدفك بأي داهيه تقابله في شك وتستهلي . هو ده الصح ارجوكي يا مدام ثقي في كلامي .
انت فكرك كده يا دكتور
بُلبُل ..
ايوه طبعا فكري كده وعين
العقل كمان .. قومي قومي روحي لجوزك خليه يخلص عليكي ونرتاح
حتي انتي صدقيني هترتاحي
من جواكي لما تموتي .
تتصدق كلامك ريحني انا
مش عارفه اقولك ايه بجد .. شكرا شكرا من هنا لمليون سنه انت أعظم
دكتور فالعالم وتستحق
جايزة نوبيل كل يوم مش كل سنه .
لا شكر علي واجب دي
مهنتي وده واجبي .. صدقيني . صدقيني يا مدام إحتجاج أنا هاجي ازورك
بنفسي فالمقابر ومعايا زهرة الزنبقه الفواحه كمان يا ستي .. قومي يلا روحي موتي بعيد عننا .
***
سيارة عفيفي الدحديحي
العاشره صباحا ..
الو .. ايوه يا حبيبتي
عامله ايه ... انا عايز اعرف هو نادر مختفي فين وبيهبب ايه . مش موجود فالبيت
ولا بيرد علي تليفوناتي
خالص إيه الحكاية ....... طيب والعمل . في حفله كبيره عاملها برنس البرانس
لنادر ولازم نسافر
بالليل ....... شهد يا حبيبتي انتي كويسه ايه صوت الصويت اللي جنبك ده في ايه
..... يعني ايه كراويه
قفل علي صباعه الباب ... .. .. طيب يا
حبيبتي انا هتصرف في موضوع نادر
عايزك تريحي بالك وتبقي مبسوطه علي الأخر .... وانا كمان بموت فكي .. باي يا حبيبتي .
***
فيلا نادر وشهد - الجونه
الريسبشن ..
يخربيتك يخربيتك بتصوت
كده ليه دادي سمعك .. يا نهاري إيه ده !. إيه الدم ده كله حصلك إيه إنطق !.
ابدا ماتشغليش بالك يا
شهد مدام .. الهوا كان شديد شويه وخوفت يدخل من باب البيت ويجبلك برد وانتي
بتكلمي أبوكي .. حاولت
اقفل الباب ماكنش راضي حولت تاني ماكنش . روحت
زانق صباعي وقافل
الباب بعزم ما فيا .
تتصدقي الباب قفل ومافتحش تاني ..
باب إيه وهوا إيه
الله يخربيتك الله يخربيتك . انت هاتموت صباعك بينزف جامد ..
ماتشغليش بالك يومين
وهيقع ويروح لحاله .
هو ايه اللي هيقع ؟. صوباعك !.
يا نهاري أنت هتجنني . إياك تتحرك لازم أجبلك زفت مُطهر ماتتحركش
استني عندك إياكي انتي تتحركي
.. انتي ليه معندكيش دم زي اللي انتي شايفاه مغرق الدنيا ده . ليه ... ليه
ليه مش حاسه بيا . هي دي
الطفوله والأمومه هي دي ! .. بقي انا خايف عليكي من نسمة الهوا وضيعت
صباعي فداكي وانتي تقوليلي
إياك تتحرك علشان أجبلك زفت مُطهر .. منك لله . منك لله اطلعي بره بره ..
بره فين يا مجنون يا ابن
المجانين .... أوووف يا ربي ... كراويه انا بجد أسفه انا أسفه حقك عليا بجد حقك
عليا .. ماتعملش في نفسك
كده ..... وعلشان ماتزعلش مني ... تعالي نطلع فوق نفتح دولاب نادر طليقي
ونقي أغلي بدله عنده .
وأغلي برفيوم . وأغلي ساعه وأغلي كل حاجه . ونروح نسهر سوا إيه رأيك .
بجد يا شهد مدام بجد .
انا . انا هسهر معاكي انتي ... والله
والله في سماه لو كان عندي ديل كنت شرفتك
اكتر من كده انا فخور قوي بنفسي . يلا بينا ننقي كل حاجه شيك يا اجمل زوجه مُطلقه وجوزها راميها .
***
فيلا إدوارد
الحاديه عشر صباحاً .. غرفة بجعه .
الدكتور المرزوعي يكشف
علي بجعه .. ويبدو القلق علي ملامح شانيل وإدوارد ونادر .. ينهي الدكتور
الكشف ويضع السماعه في الشنطه ثم ينظر لهم .
ماخبيش عليكم . بجعه
عندها كسر مضاعف في الجناح الأيمن من الفندق قصدي من دراعها . وهو اللي
عملها الإغماء المفاجيء ..
ماتقلقوش خالص الكسر المضاعف ده بيقعد من حوالي عشر دقايق لنص
ساعه بالكتير فالطيور
وبعد كده بيموتوا .. واللي بطلبه منكم دلوقتي نقدم المشيئه ونقرالها الفاتحه .
يرن هاتف نادر .. ينظر نادر للهاتف ويخبط بيده علي راسه .. ثم يرد
.
الو إيييه ايوه يا عمي أيوه عامل ايه وحشني وحشني
موت ... اييه . انا . انا مشغول ومش شايف قصادي
والله مابرتحش يا دحديحي بيه والله مابشوف النوم
.. الله يخليك يا احس حما فالدنيا ..... حفله . حفلة ايه
يانهار ابيض انا ناسي
خالص .. اكيد اكيد لا هاجي انا بعربيتي ماتقلقش ... حاضر عينيا .. مع السلامه .
بقولك ايه يا مرزوعي
الكشف انتهي .... إدوارد انزل مع الدكتور
مرزوعي حاسبه تحت وتعلالي بسرعه
في ثانيه تكون عندي ...
شانيل املي البانيو مايه علي اخره . اخره يا شانيل انتي سامعه .
حاضر نادر حاضر .
يتوجه إدوارد خارج غرفه
بجعه مع الدكتور مرزوعي .. ثم بعد ذلك شانيل ... ينظر نادر الي بجعه
وهي مستلقيه علي السرير
غائبه عن الوعي تماما ... يقترب إليها بخطوات هادئه ويجلس بجوارها
علي السرير .. يتأمل
وجهها لبعض من الوقت .. ثم يصفعها قلم بكل قوه يجعلها تستيقظ و تنتفض لتصبح
وجها لوجه امامه ... تسرح
بجعه و تتأمل ملامح نادر ولهانه هائمه... تضع كفي يدها علي خديه .
نادر .. مش معقول .. أنت
... أنت أنقذت حياتي .. أنت ايه .. ملاك ... اوعي يا نادر يكون إدوارد عمل
معاك حاجه لما كنت ناديه
اوعي .. علشان خاطري حافظ علي نفسك انا
بعشقك بعشقك .
انتي بتقولي ايه يا
مجنونه انتي إدوارد إيه وبتعشقيني إيه انتي اتجننتي .
تدخل شانيل وبعد ذلك إدوارد
..
نادر البانيو مايه كتير
كتير أوي جاهزه .
قومي قومي مع شانيل
مافيش وقت عايزك تنقعي نفسك فالمايه وتفوقي علشان هنسافر كمان ساعتين
خديها يا شانيل الحمام
قلعيها ملط وفوقيها .
يعني ايه يا نادر تقلعها
ملط فالحمام استني يا شانيل استني ..
قلعيها هنا ..
اتخرس وحياتك يا إدوارد مش
وقت هزار خديها يا شانيل مافيش وقت اتحركوا .
تخرج شانيل وبجعه خارج
الغرفه . ثم ينظر نادر لإدوارد .
أما انت بقي عايزك
تفوقلي وتفتحلي كل كراتين الكاميرات
والاجهزه اللي اشترينها وتحضرها .. انا رايح
مشوار ولما ارجع الاقي
كل حاجه جاهزه مفهوم يا إدوارد مافيش وقت يا إدوارد مافيش وقت .
استنا يا نادر .
نعم . نعم يا إدوارد نعم .
لا إله إلا الله .. خد بالك
من نفسك .
سيدنا نبينا محمد رسول
الله ... بس ليه بتقولي كده دلوقتي ... احنا لسه يابني هنعمل المهمه بالليل .
انا خايف قوي يا نادر
خايف و قلبي مش مطمن .
خايف من إيه و ليه خايف
؟.
خايف يقتلونا دول صاعيده عارف يعني ايه صاعيده .. وبعدين انت لازم مايبقاش ليك وجود معاهم
بعد الساعه تسعه ولا انت ناسي يا نادر .. أنا .. أنا مش متخيل وهما .. وهما بيعملوا فيك كده .
بتفكرني ليه الله
يخربيتك .. أنت فكرك ممكن يعملوا فيا حاجه
لو شافوا ناديه . إنطق فكرك كده .
هاهاها يعملوا فيك ايه
.. حاجه .. انت طيب قوي ياريتها تكون حاجه
وحده بس ياريت .
امال هيعملوا إيه الله
يخربيتك قلقتني منك لله الهي ينتقم منك .
لا لا ماتقلقش خالص ... هنبقي نعرف بعد تسع شهور واحنا بنعمل دي إن إيه للمولود علشان نعرف مين
الأبهات .
***
عيادة الدكتور
بُلبُل الببلاوي
أخصائي ذكوره
وعقم وأعضاء تناسليه وجلديه ونساء وتوليد
وغدد حفظاء
صماء
عصافير ... انتي يا اللي
اسمك عصافير طيرتي روحتي فين ردي عليا ....... انتي فين يا ست هانم كل ده
عمال أرنلك من الصبح
..... قوليلي .. مدام بهيجه وصلت ... طيب دخليها أنا في إنتظارها .
تفتح عصافير الجنه الباب وتشاور للمريضه بالدخول والترحاب
وتغلق الباب خلفها .
يقف الدكتور بُلبُل
مُبتسم و سعيد يتقدم خطوات ليصافحها ..
أهلا أهلا أهلا مدام
بهيجه .. إيه النور ده الف خطوه بهيجه
شرفتي .. اتفضلي يا فندم أتفضلي .
ده نورك نورك أنت يا دكتور بُلبُل اشكرك خالص الشكر علي
المقابله البديعه دي .
لا لا نوري أنا إيه بس
.. انتي البهجان باين عليكي وعلي جسمك كله ربنا يزيد ويبارك ... قوليلي بقي
بتشتكي من إيه . يا تري
البهجان لسه عالي عندك شويه وعايزه تهديه ولا جيالي علشان حاجه تانيه .
ايوه يا دكتور انا جيالك
بسبب كده الحكايه زادت علي اخرها من ساعة اخر مره جيتلك فيها زياره . وبجد
مش عارفه اعمل ايه . لو
الشرع محلل للست اربعه ولا عشره هتجوزهم كلهم وانا مغمضه وانا مغمضه يا
دكتور .
شرع .. ومغمضه !! ... هو
انا كتبتلك دوا ايه المره اللي فاتت يا مدام بهيجه ؟.
كتبتلي فياجرا وردي
حريمي .. وكل يوم اخد تلاته زي ما قولتلي والحكايه بتزيد وبموت مش قادره .
يانهار اسود ومسخم علي
دماغك ودماغ اللي خلفوكي يا مدام بهيجه إزاي ده يحصل .. اكيد انا اديتك دوا
غلط .. تقريبا الدوا ده
أنا كنت كاتبه لمدام تلاجه .. لا لا أكيد حصل لبس ... انا اسف انا اسف جدا جدا
بس طمنيني الأول يا تري الإسعاف خدوا جوزك ولا لسه . قلبي مش مطمن عليه بعد اللي انا سمعته منك .
جوزي .. جوزي خلاص ..
بقي عباره عن ماضي و اسم و بس .... مجرد هدوم فاضيه ماشيه فالبيت
وكأن البيت بقي مسكون يا دكتور مسكون . مجرد أشباح
وخيالات وعضم في قفه عايش معايا .
بس اسكتي فال الله ولا فالك انا بخاف من الحاجات دي روحي هيجي بعيد عننا
عصافير ... انتي ياللي
اسمك عصافير الكشف انتهي تعالي خدي مدام بهيجه .
***
فيلا إدوارد
الواحدة ظهراً .. غرفة شانيل .
نفسي اعرف يا نادر ...
انت بقالك ساعه عمال تزوق في شانيل وبجعه بالشكل ده ليه عايز اعرف
ده انت خلصت كل مساحيق
التجميل عليهم ودخلت علي مساحيق الغسيل الأوتوماتيك .
في ايه ماتفهمني .
اتخرس تعالي .... انا
بعمل كده علشان لو ساعتي جات واتحولت لناديه الصاعيده تبقي عينيهم علي شانيل
وبجعه مش عليا انا ..
ماتفتحش بؤك وتقول لأي وحده فيهم سيبهم كده علي عماهم .... جميله جميله خالص
التركوزيات عليكي يا
شانيل لفي كده . الله ... الله إيه الرقه
و الجمال ده ... واااااو يا بجعه وااااااو بجد
ناقصلك البحيره وراقص
باليه وتبقي تمام ..... إدوارد عندك راقص باليه وبحيره لبجعه .
راقص باليه !... انت
اتجننت يا نادر عقلك خلاص . بح . طار ... وابقي قابلني لو صعيدي واحد بصلهم
انت مش عارف قيمة نفسك وإمكانياتك
لما بتكون ناديه . ولا معنوياتك اللي بتبقي باصه لفوق للسما اااااخ
ده انت هتبقي مراجيح العيد في إيد الصعايده يا نادر .
***
قرية البرانس والبرينسيسات
قصر برنس البرانس
حديقة القصر .
طبل وزمر صعيدي صاخب مع
أصوات الأعيره الناريه التي لا تهدأ .. قرية البرانس بأكملها مجتمعين في
إنتظار قدوم المحامي
نادر الصياد وعفيفي الدحديحي . تظهر السعاده علي ملامح برنس البرانس وهو وسط
الأقارب والحضور وهم يلقون عليه التحيه والسلام والتهنئه .
سعداوي .... سعداوي ....
خد تعالي .
أوامرك يا برنس بيه . تحت
أمرك .
مافيش أخبار عن الجماعه
. وصلوا فين .
بصراحه فيه واحد اسمه
إدوارد كلمني وقالي نادر بيه لسه متحرك دلوقتي من القاهره وفالطريق .
اسمه إدوارد ... ويطلع
إيه إدوارد ده . بتاع إيه يعني .
تقريبا كده طالما
اسمه إدوارد يبقي مدير الإداره . قصدي يعني
مدير أعمال نادر بيه .
طيب اسمعني كويس .. لو
فيه نسوان وحريم مع الدحديحي بيه أو نادر بيه . ماينكشفوش علي راجل واحد
انت عارف حريم مصر
والقاهره الناس الأكورسوستات دول لبسهم خفيف .. لو عينك شافت حريم معاهم
خلي النسوان بتوعنا
يقابلوهم ويحيوهم ويخدوهم علي القصر الصغير ومايظهروش خالص نهائي مفهوم .
أوامرك .. أوامرك يا
برنس بيه .
روح انت .
يذهب سعداوي ويترك برنس
.... يرن تليفون برنس .. يخرجه من جيب الجلباب ويرد ..
الو ..... مين انت ..
... أيوه أيوه أستاذ صبري مدير اعمال
الدحديحي بيه يا الف خطوه منوره فالتليفون
اتفضل قول .... لا لا سامعك .... نادر بيه ماله ... معاه إيه ... كاميرات وأجهزة تجسس ومايكات .
***
سيارة شهد - الجونه
شهد تقود السياره في
طريقها لنايت كلوب . كراويه جالس في المقعد المجاور لها وهو في قمة الشياكه
والأناقه والوقار .
مرتدي بدله باهظة الثمن وساعه ذهب مُطعمه بالماس وفي فمه سيجار .
كراويه ... الناس اللي
احنا رايحين نتغذا و نسهر معاهم دول مش أي ناس مفهوم ... يعني لا تهوهو ولا تنونو
و لا تفضحني ولا تكسفني انت
سامعني مش هفضل أنبهك كل شويه .
يا شهد مدام دي عاده فيا
إزاي يعني أمنعها ولا أكبحها ازاي .
تكبحها !. . لا بقولك إيه
انا مش ناقصه جنان أنا مش عايزه اتفضح وبعدين انا اتفقت معاك قبل ما
نتحرك ونركب العربيه إنك
هتشرفني . ولا عايزني ارجع البيت ومايبقاش فيه سهره .
لا لا وديني ما هعمل حاجه ولا هكسفك اطرديني طردت
الكلاب لو كسفتك ولا فضحتك .
كلاب كلاب تاني . تاني كلاب .. وبعدين خد بالك وحافظ
علي البدله والساعه والجزمه ده طليقي نادر
لو عرف يحبسني مؤبد أو يحكم
عليا بالإعدام .
ليه يعني مؤبد ولا يعدمك
تمنهم كام يعني . مش نادر ده طليقك يبقي فلوسهم علي جزمتك .
انت عارف الساعه لوحدها
اللي انت متهبب علي عينك لابسها دي بكام ..
بخمسين مليون .
خمسين مليون .... يعني
يعملوا كام دول يا شهد مدام .
يعملوا كام !. الله
يخربيتك ويخربيت اليوم اللي عرفتك فيه يا كراويه .... اسمع اسم كراويه ده تنساه
نهائي قدام الناس .. انت
خطيبي واكبر راجل اعمال .. اسمك هيكون .. فكر معايا . هيكون إيه .... ماتفكر .
خلاص عرفت استني .. هقولك أنا
.. اسمي هيكون سحلب كركديه العنابي إيه
رأيك . أظن ده اجمل اسم
هيليق فعلا علي الساعه والبدله ....
مالك يا شهد مدام ... ساكته ليه ..... غيرتي الطريق ليه ... في ايه مالك .
انا راجعه البيت .
لا لا خلاص ابوس ايديك . سميني انتي ... سمي ... إستهدي بالله وسمي .
***
قرية البرانس
والبرينسيسات
قصر برنس
البرانس
طبل وزمر صعيدي صاخب مع أصوات الأعيره الناريه التي لا
تهدأ .. قرية البرانس بأكملها تهتف باسم
نادر .. تصل سيارة عفيفي
الدحديحي ثم تليها سيارة نادر . بداخلها نادر وإدوارد وشانيل وبجعه .
تبدأ أصوات الأعيره
الناريه تزداد مُسببه ضجيج قوي مع الوان الألعاب الناريه الصاعده الي السماء .
سماع هتافات مفهومه وغير مفهومه .
وحبيبكم مين نادر بيه .
نادر بيه حبيبكم مين . وحبيبكم مين نادر بيه . نادر بيه حبيبكم مين
ومين بنحبه نادر بيه . ونادر بيه مين بنحبه . ومين بنحبه نادر بيه . و نادر بيه مين بنحبه .
يبدو القلق والخوف علي
ملامح شانيل وهي تنظر لللأعداد الغفيره من خلف زجاج نافذة
السياره المُغلق .
متشبثه بيد بجعه بشده .
نادر نادر انا خافيه
ارجع بيت بليز ارجع ابوس الايد .
ماتخفيش يا شانيل اهدي
دول فرحانين و بيحتفلوا بينا .. إياكي تقلقي خالص طول ما أنا وإدوارد معاكي
اطمني خالص . طبطبي
عليها و هديها يا بجعه هديها خديها في حضنك .
تخترق رصاصه طائشة احدي إطارات سيارة نادر مُسببه دوي إنفجار قوي
.. فيرتجف ويرتعب إدوارد .
الله يخربيتك يا نارد
الله يخربيتك ارجع البيت شانيل عندها حق ارجع انا مش عايز اموت انا لسه صغير .
ارجع البيت ايه دلوقتي
واحنا خلاص بقينا وسط اكلي لحوم البشر ... وبعدين ايه المايه اللي تحت رجلك دي
يا إدوارد .......
ماتنطق يا إدوارد ... ده انا لسه بقول لشانيل ماتقلقيش طول ما انا وإدوارد معاكي ... ويا
تري بقي جبت معاك حفاضات
جل نعمه عالبشره ولا نسيت . هي دي الصداقه . فضحتني وشرفتني قبل
ما ننزل من العربيه .
***
نايت كلوب - الجونه
واجهة الكلوب من الخارج ..
أضواء متعددة الألوان مع
حركات أعمدة الليزر شديدة الإضاءة الصاعده للسماء .. بادي جاردز
متواجدون في كل مكان
للحمايه .. قدوم سيارات الأثرياء الفارهه تتوسطهم سيارة شهد ومعها كراويه .
بصراحه يا شهد مدام .
انا ... انا بحس برهبه لما بشوف نور شديد بالشكل ده بخاف و بتسكن قلبي رهبه .
عادي عادي يا كراويه هما
الكلاب كده مش بيحبوا الضجيج والضوء العالي والزحمه بكره تتعود .
شوفتي .. شوفتي .. انتي
اللي بتجيبي سيرة الكلاب دلوقتي مش انا ... وبعدين يا ست هانم انتي هدومك
عريانه ليه كده و مش لابسه
حاجه انتي دخله تستحمي جوا ولا ايه مش
فاهم .. انا مش طرطور .
انت قولت ايه يا كراويه
. مش إيه ..
بقولك مش طرطور .
وهو ايه الطرطور ده يا
كراويه بجد ماعرفش يعني ايه .
يعني ..... يعني ....
يعني انا مش قادر امسك نفسي .. نفسي انزل
ارفع رجلي واطرطور جنب الشجره
اللي هناك دي ابوس ايديك
مش قادر ..
أثناء ذلك توجد سياره
سوداء اللون متوقفه خلف سيارة شهد . يوجد بداخلها شخصين ضخام البنيه . يراقبان
كل حركه لشهد وكراويه مع
إلتقاط صور لهما بإستمرار .. يضع احدهم سماعه في اذنه ويتصل .
ايوه يا صبري بيه ...
مدام شهد لسه و صله فرينش كلوب مع عاشيقها . بس هما لسه مانزلوش من العربيه
المشكله دلوقتي إن الناس
كلها تعرفها .. انا من رأيي انفذ بعد ما يخلصوا السهره ..... تمام ..... انت رأي
حضرتك كده .. حاضر ... حاضر يا صبري بيه .. هنفذ قبل السهره ... اوامرك ... مع السلامه .
***
قرية البرانس والبرينسيسات
قصر برنس البرانس .. حديقة القصر .
وحبيبكم مين نادر بيه . نادر بيه حبيبكم مين . وحبيبكم
مين نادر بيه . نادر بيه حبيبكم مين
ومين بنحبه نادر بيه . نادر بيه ومين بنحبه . ومين بنحبه
نادر بيه . نادر بيه ومين بنحبه .
لا يا جماعه انا لازم
انزل من العربيه عيب كده بقالنا نص ساعه .. ده عمي نزل من عربيته وبرنس
البرانس استقبله ...
المهم شانيل وبجعه حفظوا علي الأجهزه اللي معاكم وكل وحده فيكم عارفه هتعمل
ايه كويس .. وانت يا
إدوارد .. عايزك تزرعلي كل النظارات المعظمه فوق كل شجره فالقريه مفهوم .
ايوه يا نادر بس لما ازرعلك
النظارات دي فوق كل شجره . مين بقي اللي هيشوف منها وهيراقب ماتفهمني
دول كتير قوي .
تتصدق كانت غايبه عن
بالي ... مش مهم نظارات .... ازرعلي مايكات طول ما انت ماشي في كل مكان
تفضل تزرع علي قد ما تقدر و أي حد يسلم عليك اديله
مايك في ايده ..
ايوه كده انت ابتديت
تفكر .. فكره ذكيه جدا وعين العقل .
المهم انا نويت انزل ...
خدوا بالكم من نفسكم مصر محتاجلكم .
يفتح نادر باب السياره
وينزل .... ليجد نفسه يندفع بشده ويرتفع عاليا فالسماء .
إلحقني إلحقني يا إدوارد
.. دول مليون ايد بترفعني مش قادر اخد نفسي إلحقني اعمل حاجه اتحرك .
ينظر له إدوارد من نافذة
السياره .
قولتلك ارجع البيت ..
اذا كان دلوقتي مليون ايد بترفعك وانت نادر . امال كام ايد هترفعك وانت
ناديه . خلاص العوض علي
الله فيك انت بقيت ذكري بالنسبالنا .. انا هاخد البنات وارجع البيت سلام .
يتعصب نادر وهو يهبط و يرتفع
فالهواء .
انت بترغي في ايه الله
يخربيتك اتحرك اعمل حاجه انزل . انزل الحقني . انقذني يا إدوارد .
حاضر حاضر ... يا جماعه
يا جماعه مش كده براحه . ده اكبر محامي في مصر ومصر كلها محتاجاه
علشان خاطري نزلوه . طيب
هو عمل ايه بس فهموني . هو انتوا بتحتفلوا بيه ولا ناويين تعدموه . طيب
علي الأقل العيد الكبير
لسه مجاش . يا جماعه يا جماعه مش كده . طيب سمو الأول ده روح .
يأتي برنس البرانس وهو
في قمة سعادته مُبتسم للترحيب العظيم من اهل القريه لوصول نادر .
بس يا رجاله بس كفايه علي نادر بيه حبيبنا كلنا ماتتعبوش الراجل جاي من سفر يا مرحب يا اَلف
مرحب
سعداوي .. يا سعداوي . نادر بيه معاه حريم زي ما فهمتك . يروحوا القصر الصغير حالا وحريمنا
يقوموا معاهم بالواجب واكتر .
***
نايت كلوب - الجونه
سيارة شهد ..
مازالت سيارة شهد متوقفه
امام النايت كلوب وبداخلها شهد وكراويه . تحدث بينهم مشادة من حين لأخر .
بقولك إيه يا كراويه
كفايه رغي انا زهقت أنا هنزل . يلا انزل .. استنا ... انزل انت الأول ولف وافتحلي
الباب وخد ايدي .
اخدها اعمل بيها ايه .
اتهبب انزل .
حاضر .
ينزل كروايه ويتجه إلي باب شهد . يفتحه وينظر لها .
انزلي .
خد ايدي يا غبي .
حاضر .
يمد يده لها وتنزل شهد بكل هدوء من السياره وهي مُبتسمه .
اقفل الباب بايدك
التانيه الله يفضحك . انت مستني إيه انا اللي اقفل الباب .
طيب ما انتي ديما
بتقفليه لوحدك لما بتوصلي من أي حته هي ايد
كراويه هي اللي فيها البركه يعني
اهو . أهو الباب .
براحه براحه الله
ياخربيتك فضحتني فضحتني قبل ما ندخل جوا ..
أثناء ذلك تأتي سيارة
رجل الأعمال نعمان عبد المنعم ومعه
زوجته.. يلمحان شهد أثناء نزولهم من السياره
ثانيه واحده يا ثريا .
تعالي نروح نسلم علي شهد بنت عفيفي بيه .
مش معقول .. إيه القمر
ده وحشتيني يا بنت يا شقيه عامله إيه .
أونكل نعمان وانت كمان
وحشتني موت ازاي حضرتك ... ازيك يا طنط ثريا اخبارك ايه وحشاني .
اهلا اهلا شهد حبيبتي .
بصراحه انتي بقيتي قمر خالص بعد الخطوبه . مش انا بس اللي بقول كده
دي الجونه كلها بتقول
عليكي كده .
اه أحب أعرفكم علي
خطيبي رجل الأعمال سعد اسعد المسعود . من عائلة السعداء .
اهلا اهلا سعد بيه
تشرفنا بمعرفتك انا نعمان عبد المنعم . شهد تعتبر بنتي واكتر انا اللي مربيها
حافظ عليها و حطها في
عينيك .
انطق الله يخربيتك
بيقولك حطها في عينيك .
ايوه ايوه تحت امرك إنعام بيه . بس هي إنسانه كبيره ازاي
يعني احطها في عينيا وعيني صغيره .
اسمه نعمان الله يفضحك
منك لله ..
وياتري سعد بيه خطيبك شغال
في مجال ايه وبيمتلك ايه . انتي بنتي ولازم اطمن عليكي .
إيييه سعد خطيبي يا
أونكل نعمان شغال في مجال كابلات الإنترنت تحت عالم البحار . وعنده شركات كتير
جداً . وعنده اكبر طياره
فالعالم نصها موجود في مصر ونصها التاني
في الدول اللي بيسافرلها .
شهد مدام يعني ايه .
يعني ايه نصها في مصر والنص التاني . هسافر انا ازاي يعني .. هركب جمل جوا
الطياره مثلا واشد
الرحال علشان أوصل للبلد التانيه . قولي كلام ي ..
اتخرس خالص الله يفضحك
كسفتني جمل ايه . رد عليه وقول أي حاجه أنطق
أتكلم .
أيوه يا إنعام بيه انا
زي ما شهد خطيبتي بتقولك كده . عندي طياره ملهاش حل . وعندي عربيه كمان وقعت
من علي كوبري سته أكتوبر
نصها بقي فالقاهره والنص التاني بقي
فالمنصوره . بس للأسف مانعرفش هي
تبع مرور إيه لحد دلوقتي
بسبب الشحططه اللي حصلتلها .
خطيبك دمه زي العسل ربنا
يخليكوا لبعض . نسيبكوا بقي و نبقي نكمل السهره
جوا سوا أكيد . هننتظركم
فرصه سعيده سعد بيه .
انا اسعد إنعام بيه .
يتركان نعمان وزوجته . شهد
وكراويه ويذهبان لداخل النايت كلوب ... ثم يأتي فالحال احد الأشخاص
لينادي علي شهد .
شهد هانم .
تلتف شهد وترد .
أيوه .
عفيفي بيه والد حضرتك
باعت معايا هديه .. ممكن حضرتك تيجي معايا العربيه تستلميها .
دادي باعتلي معاك هديه .
اه اوي اوي . اتفضل .
ثواني يا كراويه
ماتتحركش من مكانك .. تذهب شهد مع ذلك الشخص لبضعة خطوات . ثم يفاجئها بوضع
منديل علي فمها ويسحبها داخل سياره سوداء .
تنطلق السياره فالحال تاركه المكان مع صوت إحتكاك
الإطارات العالي .
دمتم بخير : محمد فيوري
تعليقات
إرسال تعليق