مرض نادر 6

 

" مرض نادر "

للكاتب : محمد فيوري 

تحذير : غير ملائم للجميع

تصنيف : كوميدي

الجزء : السادس

السن : + 18

الأجزاء : 10 +

تاريخ النشر : 4 - 11 - 2022 

" نحن نهتم أن تتخيل ما تقرأ  "

المحمر بطاطس .. الحادق جبنه .. الحلو تشيز كيك .. الساقع بيبسي .. النادر .. النادر .. النادر ناديه .

 

يصمت الجميع ويقفون فالحال ينظرون إلي بعضهم بإندهاش شديد مذهولين .

 

الراجل ده عرف إزاي يا إدوارد  !! .. رد عليا عرف إزاي .

 

هشش . ولا كلمه ماحدش يتكلم لحسن تتلبسوا واحد واحد ووحده وحده  مش هتتقلعوا أبداً منهم

مش هتتقلعوا إلا بالجزمه القديمه . سيبوني أكمل شغلي مش عارف اشتغل  اقعدوا ..... ماتقعدوا .

 

يبتسم الشيخ رجب للهواء مُحدثا نفسه .

 

قولي يا اليسا اطربيني كملي ... نعم .. عايزه إيه ... بس ده كتير . كتير أوي عليه مش هيستحمل

أيوه يا مريام سامعك يا مُبدعه ... اتفضلي قدمي عرضك ... لا لا دي كبيره أوي عليه مش هتعجبه

أهلا أهلا هيفا نورتينا والله ... لا والله موجود وقاعد مش بروح في حته مين قال كده ... أه ... أيوه .

 

نادر يخبط كف علي كف متعصب وإدوارد يطبطب علي كتف نادر .. ثم ينظر إدوارد  للشيخ رجب

 

بقولك إيه يا شيخ رجب .. عندك اغنية وبعدين بقي فقلة النوم للفنانه شيرين تفرفشنا شويه .

 

تفرفشك شويه !.  لا أنت ذودتها عن اللزوم قوم امشي أطلع بره .. أطلع بره ..

 

أسف والله أخر مره أتكلم أتفضل كمل يا شيخنا الجليل كمل كلامك مع الهوا أتفضل .

 

يا ريت يا أستاذ تحترم الجلسه شويه . مش علشان بقول أسماء أكلات نبقي قاعدين في مطعم

ومش علشان بقول أسماء مطربات نبقي قاعدين في كباريه . وبعدين يا أخي أنت مُسلم وعارف

إن الجلسات دي ليها إحترامها . وزبيبة الصلاه اللي منوره جبينك دي بتثبتلي إنك مُسلم مُلتزم بشده

وبتعرف ربنا و مابتفوتش فرض واحد . يا ريت تحترم الجلسه من فضلك أنت مش صغير .

 

مُسلم إيه يا شيخ رجب أنا مسيحي  . ده هباب من البخور بتاعك هبب راسي و جبهتي 

انا أسمي إدوارد  هو أنت مش شايف الصليب اللي علي صدري ده ولا إيه !.

 

هاهاها . الدخان كتير وعاميني أعذرني . وبعدين مُسلم ولا مسيحي كلها إديان من عند الله مادققش معايا

المهم ... أستاذ ناديه  الفنانه نانسي عجرم منتظراك في الأوضه اللي في أخر الممر اللي قدامك ده

 

نعم . الممر اللي قدامي !. أنت  بتكلمني أنا !.

 أيوه بكلمك أنت . مش حضرتك أستاذه نادر الملبوسه وعاملين العكيكه دي علشانك . اتفضل اتحرك روح .

 

يقف نادر وهو متعجب من الوضع . ثم يبدأ بالتحرك متوجهاً إلي الممر و الغرفه .

يقف إدوارد ليذهب مع نادر لكن يمنعه الشيخ ويمسك ذراعه

 

انت بتقول نانسي عجرم .  ممكن اروح معاه الله يخليك  الله يخليك يا شيخ رجب ينوبك ثواب .

 

أسكت خالص لحسن وربي اطلعك بره الجلسه ... اتفضلوا يا أستاذ نادر ناديه الأوضه في اخر الممر .

 

نادر . يا نادر . وحيات ابوك لما توصل خليها تغنيلنا يا بنات يا بنات يا بنات وحيات ابوك .

 

***

 

سيارة إدوارد

 

إدوارد يقود السياره جالس بجواره نادر يبدو عليه التعب والإرهاق .. وشانيل وبجعه بالمقاعد الخلفيه .

 

مالك يا نادر انت شكلك مش عجبني من ساعة ما طلعنا من عند الشيخ رجب قول فيه إيه مالك .

 

أستاذ نادر انا قلبي مش متطمن عليك يا ريت تطمنا شكلك مخطوف .

 

أيوه نادر إنتي مخطوفه والشكل موش عجباني قولي فيه إيه نادر قولي  .

 

ابداً يا جماعه انا كويس .. بس حاسس بدوخه من ساعة ما اللي اسمها نانسي دي شربتني حاجه صفره .

 

يانهار اسود ومنيل حاجه صفره يا نادر !!.  ليكون بول يا نادر بول  أنت شربت بول .

 

الله يقرفك  الله يقرفك بول إيه علي دماغك . ركز فالطريق يا إدوارد اتهبب بص قدامك .

 

***

فيلا عفيفي الدحيحي

الرابعه عصراً . الريسبشن

الو ... أيوه يا شهد يا حبيبتي وحشاني ووحشه امك مش كفايه بقي الغيبه دي وترجعي لبيتك وجوزك

بتقولي إيه يا حبيبتي مش سامعك كويس . إيه صوت الدوشه دي . انتي جبتي كلب جديد غير جوليت .

 

لاء يا بابي  ده صوت كراويه .

 

يعني إيه كراويه يا حبيبتي انتي تعبانه بطنك بتوجعك  اطلبلك دكتور !!.

 

لاء .. إيه ... إيه .. ده . أيوه  أيوه جبت كلب هاسكي جديد سميته كراويه .. ها ست ست . اسكت .

 

ألف ألف مبروك يا روح قلب بابي انا كل اللي يهمني ساعدتك وإنك تكوني بخير ومبسوطه .

 

بابي صحيح .. كنت عايزه اسألك سوأل . هو في مدير من مدراء أعمالك اسمه صبري .

 

أيوه فيه .. ماله صبري يا شهد .

 

أصله بعتلي رساله ومافهمتش منه عايز إيه بالظبط . يا ريت تشوفه عايز إيه . وبيكلمني انا ليه أساساً .

 

*** 

قرية البرانس والبرنسيسات

دار برنس البرانس 

الخامسه عصراً - حوش الدار الكبير

طبل وزمر صعيدي صاخب مع رقصات الخيول والأعيره الناريه . ولائم كثيره لأعداداً غفيره من الحضور

برنس جالساً سعيد وسط الحضور وهم يلقون عليه السلام والتحيه والتهنئه لحصوله علي البراءة .

ينظر برنس لأحد مُساعديه ويشاور له بيده .

 

تعالي يا سعداوي عايزك . تعالي ..

 

أوامرك يا برنس بيه أأمرني ..

 

شايف الناس دي كلها .. عايزهم يكونوا اكتر من كده بكتير بكره .. بكره الليله الكبيره .. ليلة نادر بيه

لولا نادر بيه كانت رقبتي مدفونه تحت الرمل دلوجت ... عايز كل البلد تعرف مين هو نادر بيه الراجل

اللي من صلب راجل هُما دول الرجاله اللي مصر خلفتهم بجد ... اشهر محامي في مصر لازم نقوم معاه

بالواجب وذياده  وكل الرجاله تشيله علي كفوف الراحه شيل كل رجالة القريه راجل راجل . مفهوم  ..

 

مفهوم مفهوم يا برنس بيه من غير ما تقول إحنا صاعيده ونعرف الأصول ورجاله مع الرجاله .

 

***

عيادة الدكتور بُلبُل الببلاوي

أخصائي ذكوره وعقم وأعضاء تناسليه وجلديه ونساء وتوليد

وغدد حفظاء صماء

 

دكتور بُلبُل مرتدي بلطو جلد ابيض وجوانتي ابيض .. مُمسكاً في يده بعض إنبولات المحاليل وهو يقوم

ببعض التجارب داخل معمله .. يضع نقطه دم بهدوء داخل كـأس . فينفجر الكأس مُخلفاً شُعلة قويه من النار

يسقط  دكتور بُلبُل علي الأرض فالحال واضعاً يده علي قلبه من شدة الخضه .

 

منك لله إلهي أشوف فيك يوم أو أشوف فيكم يوم يا نادر ولا يا نادر ناديه ولا يا ناديه . حاله قبيحه أوي

أقبح حاله بتعامل معاها أنا دلوقتي . وجعلنا من بين أيديهم سداً ومن خلفهم سداً فأخشيناهم فهم لا يبصرون

استرها يا رب  استرها معايا رب  استرها يا كريم  .

 

تدخل عصافير الجنه مفزوعه  يبدو عليها القلق من صوت الإنفجار الشديد . فتجد دكتور بُلبُل مستلقي علي

ظهره فوق الأرض واضعاً قدم علي قدم  من كتر الهم اللي هو فيه .

 

دكتور بُلبُل دكتور بُلبُل . خير إيه اللي حصل انت كويس يا دكتور .

 

قوميني يا بنتي .. قوميني ينوبك ثواب واجر عند الله   قوميني .

 

قوم .. علي أقل من مهلك .. علي أقل من مهلك . اَلف سلامه عليك يا دكتور . أجبلك عصير طماطم .

 

لا . مش عايز طماطم ... انا عايزك تعري راسك وتدعي عليهم ... ادعي عليهم يا عصافير يابنتي .

 

حاضر هدعي . بس إزاي يا دكتور يحصل إنفجار كده و بالشكل ده . إزاي ده يحصل أنا مستغربه !.

 

مش عارف .. تلاقي دم المهببه علي عينه ماطرح ماراحت فيه مواد مُشتعله ولا ماية نار معفرته البلازما .

 

***

فيلا نادر وشهد - الجونه

 

السادسه مساء .. الحديقه .

 

كراويه جالس تحت البرجوله واضعا قدم علي قدم وفي فمه سيجار وهو يقرأ الجرائد ..

تأتي شهد حامله معها صنيه عليها فنجان قهوه . تضعها أمامه علي الطاوله وهي مُبتسمه

تجلس وتخطف من يده الجريده  .

 

حبيبي عامل إيه دلوقتي وحشتني .. عملتلك فنجان قهوه مظبوط هيفوقك وينعنشك .

 

الولاد رجعوا من المدرسه ولا لسه ..

 

الولاد !!..  ... اه .. اه .. رجعوا وبيعملوا  الواجب .

يعني راحوا المدرسه ؟.

 

ايوه يا كراويه راحوا المدرسه .. في إيه مالك متعصب ومنفعل ليه كده ! .

 

انا مش منبه عليكي يا ست هانم ماعنديش عيال  يروحوا  مدارس منبه ولا مش منبه . إنطقي  ..

 

منبه علي مين يا مجنون يا ابن المجانين انت .. عيال مين اللي راحوا المدرسه

اطفح القهوه بتعتك وانت ساكت انا مش ناقصه جنان ... إييه .. قصدي اشرب القهوه يا روح قلبي .

 

تقف شهد وهي في قمة النرفزه و تبتعد عن كراويه بهدوء .. تمسك الهاتف وتتصل بالدكتور .

 

الو ... دكتور سيف إلحقني ... كراويه بيسألني بيقولي العيال ومدارس

والعيال رجعوا من المدرسه .. قولي أعمل إيه انا مش قادره اتحمل انا زهقت  ..

 

أهدي يا مدام علي أقل من مهلك . علي أقل أقل من مهلك .

 

أهدا إيه وعلي أقل من مهلي إيه هو انا طالعه سلم  انا بقولك زهقت زهقت .

 

اسمعي يا شهد هانم .. انا أهم حاجه عندي في كورس العلاج بتاعي يكون الإكسلانس

عايش الراحه و الرفاهيه  و بيدخن سيجار وحاسس بأهميته وحاسس بالوقار . لإنك انتي دلوقتي

زوجته الوهميه .. يا تري حضرتك عملتي مع الإكسلانس اللي قولتلك عليه بالحرف ولا لاء  ؟.

 

ايوه عملت مع الإكس زفت كده وحسسته بالوقار ومش لايق عليه خالص .. وقار إيه . ده كلب ..

 

معلش معلش أصلي تربية الكلاب عايزه صبر  قصدي الموضوع مُعقد وحساس وعايز شوية صبر منك

وبعدين حاولي يا هانم تمنعي عنه نهائي كلمة ست واقف واقعد والعضم والكلام اللي بتعمليه معاه ده كله

 علشان الإكسلانسنه إنسانيه وحكمه .

 

نعم !! ......  انا عايزه أعيط .

 

****

فيلا  إدوارد

 

السادسه مساء . غرفة بجعه ..

 

تدخل بجعه غرفتها وتغلق الباب خلفها .. ظاهراً عليها الفرحه والسعاده الشديده . ثم تتجه ناحية الدولاب

تفتحه وتنظر بداخله لتختار ملابس حميميه حاره . تبدأ بخلع ملابسها .. يرن الهاتف تمسك به وترد .

 

الو ... مافيش أي حاجه حصلت لحد دلوقتي ده انا هطلع عينك يا رجب . ده من ساعة ماخرجنا من عندك

لا بيكلمني ولا بيعبرني بكلمه وكل كلامه مع إدوارد و بس ......  يعني إيه مفعول العمل لسه ماشتغلش

وهيشتغل امتي إن شاء الله .... بقولك لا بيكلمني ولا بيكلم شانيل وبيكلم إدوارد وبس .

 

تسع بجعه خبط علي باب الغرفه .

 

ايوه .. مين ..

 

انا نادر يا بجعه ..

 

المفعول اشتغل تسلم ايديك اقفل اقفل يا رجب .

 

ايوه يا نادر انا قلعه قصدي بغير هدومي علشان اقلع .. اييه .. انا قلعه ولسه بقلع .

 

يعني إيه انا مش فاهم !!.  أنتي قلعه ولا لبسه ؟.

 

عايز تعرف .. افتح الباب وانت تشوف .

 

لا  لو قلعه مش هقدر افتح علشان جسمي كله بيقشعر وبشمئز لما بشوف وحده قلعه وجسمها باين

انا بس كنت عايز أسألك لو عندك كنتور و ايلاينر لحسن أحتاس بالليل وانتي عارفه .

 

كنتور و ايلاينر !! .... وديني وديني لعرفك قيمتك يا رجب منك لله  منك لله .

 

***

 

عيادة الدكتور بُلبُل الببلاوي

أخصائي ذكوره وعقم وأعضاء تناسليه وجلديه ونساء وتوليد

وغدد حفظاء صماء

 

دكتور بُلبُل ينظر إلي أشعه و يقرأ بعض التقارير عن حالة مريضه .. يُحدث باله مستغرب .

 

إزاي الكلام ده !!.  هو فيه كده .. بقي هي .. وهو مش بيوافق .. ده راجل عديم كل حاجه بصحيح .

 

يمسك سماعة الهاتف ويضعها علي اذنه .

 

أيوه يا عصافير الجنه .. دخليلي حالة مدام  إحتياج  انا في إنتظارها ..

 

 يرتدي سماعة الكشف علي عنقه ويقف . تدخل المريضه فيبتسم لها الدكتور بُلبُل ويمد يده يصافحها .

اهلاً اهلاً مدام إحتياج ألف رحمه ونورعلي جوزك . أتفضلي يا فندم  الف خطوه حزينه أتفضلي اقعدي

انا بصراحه مش شايف إن العيب منك انتي .. أحنا عايزين العيب يطلع منه هو ويبينه و يظهره و يطلعه .  

 

أيوه يا دكتور كلامك كله صح . انا عايزه العيب يطلع منه هو وأشوفه وأمسكه بأيدي وأحس بيه .

 

مهو علشان كده بقولك الف رحمه ونورعلي جوزك يا مدام إحتياج . شدي حيلك انتي عروسه زي الورد

ولسه الطريق قدامك طويل .. بس يا ريت تلاقي الطويل اللي يسد فراغك العاطفي و الأماكن الفارغه عندك

علي فكره حالة جوزك بتفكرني نوعاً ما  بمريضه بتتعالج عندي هنا ..... ملبوسه اسمها ناديه ..

 

***

فيلا نادر وشهد - الجونه

 

السادسه والنصف مساء .. الريسبشن .

 

كراويه جالس وفي فمه سيجار يشاهد التلفاز .. يأخذ نفس عميق من السيجار . فيكح بشده وكأنه يودع

الحياة واضعاً يده علي قلبه .. تأتي شهد من المطبخ مفزوعه وقلقه عليه من صوت الكحه الشديده ..

 

ياخربيتك ياخربيتك هاتموت .. هات ده من ايدك هات ده ..

 

صدري بيحرقني نار صدري بيحرقني إلحقيني هاموت هاموت صدري فيه ناااااار  .

 

اتهبب اقعد هنا اقعد .. ده كان يوم اخبر يوم .... إيه ده يا كراويه .. انت لابس سلسلة جوليت

سلسلة جوليت يا كراويه هي حصلت ... فعلاً .. فعلاً ديل الكلب عمره مايتعدل  أعمل فيك إيه .

 

بطلي رغي كتير وكلام فاضي ... قوليلي ... طبختي العضم اللي قولتلك عليه ولا لسه  .

 

أيوه بطبخه ... إن شاء الله سنانك كلها تقع يارب وفكك يتكسر .

 

الله يسامحك .

 

***

فيلا عفيفي الدحديحي

السابعه مساء .. غرفة المكتب .

 

اتفضل يا صبري اقعد ... شهد بنتي قالتلي أن انت اتصلت بيها . خير في إيه في حاجه ؟ .

 

بصراحه يا عفيفي بيه .. مش عارف أقولك إيه .. هو موضوع غريب حبتين

و مش فاهم أي حاجه من اللي بيحصل .. وإيه اللي بيعمله نادر بيه أنا مش فاهم .

 

نادر تاني يا صبري نادر تاني .. أتكلم قول . ماله نادر .

 

يتنهد صبري . ويخرج الهاتف من جيبه .

 

 اتفضل شوف الصوره دي .

 

 يأخذ عفيفي الهاتف وينظر للصوره  .

 

الله .. مين المُزه دي يا صبري دي قمر أوي  .. دي قاعده مع الحلازاوي صاحبنا . هو طول عمره

 كده الحلازاوي  بيعرف ينقي المُزز الجمدين  وفي الأخر يضحكوا عليه .. ويعلق صورة حمار .

 

المُزه اللي انت شايفها فالصوره دي يا عفيفي بيه ... تبقي ... تبقي ..  نادر جوز بنتك ..

 

نادر جوز بنتي ! . أنت بتقول إيه أنت اتجننت فعقلك !!.

 

زي ما بقولك كده .. نادر جوز بنتك انا احتارت معاه انا مش عارف هو بيعمل إيه بالظبط . وإيه إل .

 

استنا استنا ماتكملش .. عايزك تعرف يا صبري إن نادر جوز بنتي اشهر محامي في مصر

واللي عامله في نفسه ده أكيد أكيد بيدورعلي حقيقه ولا حاجه في قضيه مهمه شغال عليها

ياريت الصوره  دي ماتطلعش لحد . دي تعتبر اسرار مهنته .. مالكش دعوه نهائي بشهد بنتي

ولا ليك دعوه بنادر عايز تقول حاجه تاني تيجي هنا وليا أنا تقولهالي . مفهوم .

 المهم ماقولتليش ... تشرب إيه ..

 

***

فيلا إدوارد

السابعه والنصف مساء .. غرفة نادر

 

نادر ناديه .. جالسه سارحه أمام التسريحه والمراَة .. تنظر إلي ملامحها الغير مُكتمله . التي في طريقها إلي

الإكتمال في تمام التاسعه .. شعر الرأس قصير ولكن الصدر كبير .. تخرج صورة صغيره من جيبها

صورة إدوارد وهو مُبتسم ... تتنهد بعمق تنظر إليها وهي ولهانه هيمانه سارحه في ملامحه الأخاذه  .

تقوم بتقبيل الصوره بهدوء وتضمها إلي صدرها . تتنهد مره اخري .. مُحدثة بالها .

 

أنا مش عارفه أنت كنت غايب عن بالي إزاي طول الفتره دي .. انت الراجل اللي أي اَنثي تتمناه معاها

شهم وقوي ومالكش أي كلمه . صبرك عليا .. إن ماخليتك تولع نار مني كمان ساعتين مابقاش انا ناديه

مش عارفه انا ... انا إيه اللي حسه بيه ده .. جسمي كله بيترعش و بيتنفض كله بيتنفض يا إدوارد بحبك .

 

يرن الهاتف .. نتظر إليه سارحه .. ثم ترد .

 

ألو ..... مين معايا ...... حلازاوي مين !! ... أه أه . أهلا حلازوني بيه ...... مأذون إيه وجواز إيه

انت اتجننت فعقلك  ........صوتي !! ..... لأ انا ناديه بس كنت لسه شاربه سيجارة حشيش واقفه فالبلعوم

اسمع يا حلازوني يا ملفوف انت إياك تتصل بيا تاني انت سامع . انا خلاص لقيت الراجل اللي بيقدرني

واقدره ...... أيوه كل اللي بنا إنتهي .. أيوه نسيت الشجره اللي انت خبتني بيها في زنقتي ونسيت كل حاجه

...... انا بياعه !! . الله يسامحك  طيب طالما كده . متنساش تحط صورة حمار بأسمي علي الحيطه عندك .

 

***

فيلا نادر وشهد - الجونه

 

الثامنه مساء - الحديقه .

شهد جالسه وحيده أمام البسين يبدو عليها الحزن .. تتذكر ماضيها مع نادر . لحظة إرتدائها خاتم الخطوبه .

 

فلاش باك

 

سيارة شهد 

الواحده ظهراً - طريق مزدحم  ..

شهد تقود سيارتها وسط طريق مزدحم بمنطقة وسط البلد ... يبدو عليها الملل من كثرة التوقف المتكرر

تأتي سياره بي ام دبليو سوداء وتتوقف أمام سيارتها تماماً .... ينزل منها نادر ويتجه ناحية سيارة شهد

يفتح الباب ويركب بجوارها ...

 

مساء الخير ...

 

إيه يا مجنون انت ده .. إيه اللي بتعمله ده انت مين !! ..

 

انا واحد معاه خاتم الماظ بخمسين مليون جنيه فقط لا غير ... تتجوزيني ؟؟ .

 

هو بصراحه ايه الجمال ده من غير أي خاتم طبعاً موافقه ..  قصدي أفتح الباب و اطلع بره لحسن أتصل

بالبوليس يجي يبهدلك  .

 

خلاص انا مش هتقل عليكي انا أسف ... انا هكلم الدحديحي بيه وادخل البيت من بابه .

 

استنا ... انت تعرف بابي !! ...

 

أيوه طبعاً أعرفه أعز المعرفه ..

 

طيب هاتيجي امتي تكلمه .. إييه . قصدي ابقي بعدين فعلاً اتعلم الأصول و ادخل البيت من بابه

مش من باب العربيه .

 

المهم إنه باب وانا فتحته ودخلته .. قولتلك انا اسف .. ممكن تلبسي الخاتم بقي علشان انا وانتي موقفين

الطريق اللي ورانا ده كله ..

 

يمسك نادر يد شهد و يضع الخاتم في إصبعها وهي ناظرة الي وجهه مُبتسمه سعيده بشده ..

 

إنتهاء الفلاش باك والعوده إلي فيلا نادر وشهد الحديقه

 

سرحانه ليه يا شهد مدام . لعل المانع خير سكوتك عمال يحز فيا حز ..

 

لا ابداً يا كراويه .. تعالي أقعد معايا .. الله يخليك ماتسبنيش لوحدي لحظه وحده  الله يخليك .

 

إيه اللي بتقوليه ده اسيبك إزاي لحظه واحده . انا رقبتي سفاحه وتحت أمرك امر ..

 

رقبتك سفاحه !! ... مم .. طيب احكيلي حكايه .

 

حاضر عينيا الأتنين . هحكيلك .. بس إياكي تضحكي عليا ..

 

مش هضحك . قول بقي ..

 

حاضر . بسم الله الرحمن الرحيم .. إياكي تضحكي

مره كنت ماشي في شارع ضلمه هص اكست . وفي كلبه من حبها فيا هوهوت عليا و جريت ورايا  و .

 

استنا استنا هص اكست انت خالص . اطلع نام .  قوم اطلع نام سبني لوحدي انا مخنوقه امشي ... ماتمشي .

 

كده .. طيب همشي  . بس هو .. إن غاب الإكسلانس العب يا فار . انتي ناسيه إنك مراتي ولا إيه .

 

إيه اللي انت بتقوله ده .. امشي بقولك امشي صدقني هحدف عليك طوبه  أل كلبه جريت ورايا أل ..

 

*** 

عيادة الدكتور بُلبُل الببلاوي

أخصائي ذكوره وعقم وأعضاء تناسليه وجلديه ونساء وتوليد

وغدد حفظاء صماء

 

العاشرة مساء ..

مالك يا عصافير خير في إيه .. طلبتي إنك تكلميني في موضوع مهم ورميت شغلي وفضيتلك .

 تعالي اقعدي اتكلمي .. صوصوي يا بنتي ساكته ليه ! .

 

دكتور بُلبُل ... بصراحه انا عايزه ... أقدم إستقالتي . انا هتجوز الأسبوع الجاي ولازم أكون فاضيه

لجوزي والبيض قصدي البيت .

 

ممم ... تتجوزي .. وإختارتوا العش علي انهي شجره إن شاء الله يا عصافير .

 يا تري نخله ولا علي شجر البلوط . ولا شجرة جوز هند فارعة الجمال !! .. مم . تمام .. تمام

عادي يا بنتي عادي ولا يهمك . كلكم طيور بتيجوا تشتغلوا عندي و تسيبوني وتحلقوا  فالجو

وحده تجبلي العار . والتانيه تتحبس في قفص . ووحده تتصاب ببندقية رش  والأخيره عايزه تتجوز !! .

مبروك من كل قلبي .. مبروك . الف الف مبروك برافو .

 

دكتور بُلبُل ارجوك ماتعملش في نفسك كده . انا مش متحمله اشوفك كده ارجوك .

 

مش متحمله تشوفيني كده وانتي بتعترفي بعضمة جناحك دلوقتي إن انا ماعرفتش اربي ولا أكبر

قل لن يصيبنا إلا ما كتب الله لنا ... فين الإستقاله يا بنتي . هي فين . فين الإستقاله .

 

اهي .. اتفضل ..

 

يأخذ الدكتور بُلبُل ورقة الإستقاله من يدها ويقطعها مليون حته بعصبيه  .

قومي اجري علي شغلك  طيري كملي شغلك أل إستقاله أل ... استني عندك .. استني

دخليلي حالة مدام إحتباس اوعي تنسي ..

 

حاضر يا دكتور أوامرك  .

 

***

فيلا إدوارد

 

العاشره مساء .. الريسبشن .

إدوارد وشانيل وبجعه يشاهدون فيلم كوميدي وهم يضحكون بشده ..

 

انا شامم ريحة برفيوم بيدوب الواحد دوب .. مين فيكم حاطه البرفيوم ده . شانيل ولا بجعه

 

لا شانيل ولا بجعه ... انا يا إدوارد انا اللي حطاه تعالي قرب علي صدري كده  و شم ..

 

يقف إدوارد أمام ناديه مزهول وهو يدعك عينيه من جمالها الرباني الأخاذ . الذي يسحر القلوب .

 

يرن هاتف بجعه .. ترد بجعه وهي تبتعد عنهم متجهه إلي الحديقه وخارج الفيلا .

 

الو ..... انت عندك عين تكلمني تاني يا رجب مش قولتلك متتهببش تكلمني إلا لما اقولك .

 

انا بكلمك علشان تلحقي المُصيبه السوده قبل ما تقع ... نانسي غلطت وعملت العمل بأسم إدوارد

مش بأسمك انتي . اتصرفي حالاً اتصرفي اعملي حاجه ..

 

انت بتقول إيه ياخربيتك !!.

 

تجري بجعه إلي داخل الفيلا مره اخري مسرعه فالحال ... لتجد شانيل وحدها ..

 

شانيل ... شانيل ...  فين إدوارد وناديه .... قولي اتكلمي فين إدوارد وناديه

 

إييه ... إدوارد مسكت الأيد وباست الخد وطلعوا فوق عند اوضتها  .

 

يا نهار اسود ومنيل مسكت الأيد وباست الخد !!. 

دمتم بخير : محمد فيوري

" جزء جديد قريباً "