مرض نادر 5

 

" مرض نادر "

للكاتب : محمد فيوري 

تحذير : غير ملائم للجميع

تصنيف : كوميدي

الجزء : الخامس

السن : + 18

الأجزاء : 10 +

تاريخ النشر : 1- 8 - 2022 

" نحن نهتم أن تتخيل ما تقرأ  "

فيلا إدوارد

الحديقه

 

الثامنه مغرب ..

يصل إدوارد بسيارته ويتوقف تماماً بالسياره أمام سلالم مدخل الفيلا من الخارج .

ينزل ويفتح الباب الخلفي للسياره .. يمد زراعيه إلي الداخل ويحمل كرتونه كبيره

يغلق الباب بقدمه ويبدأ صعود السلالم للدخول إلي الفيلا ..

***

 

فيلا إدوارد

الريسبشن ..

شانيل جالسه علي الأرض وأمامها بجعه . تضع لها الميك اَب وتصفف شعرها بالإسبريه و الإستشوار 

لتجعلها جذابه وساحره في عيون نادر وقد أصبحت بالفعل في قمة الجمال موزة الموزز .

يدخل إدوارد بهدوء و ترقب وهو ينظر يمينا ويساراً حاملاً معه الكرتونه الكبيره  ويتوجه بها لصعود غرفته

 لكنه يتكعبل في سلك الإستشوار ويقع علي الأرض أمام شانيل وبجعه .. فتنفتح الكرتونه  ويظهر ما بداخلها

من عبوات فوط صحيه مُختلفة الأحجام ... ماسكاً ظهره بيده متألماً بشده ..

 

إدوارد  إدوارد حبيبتي إنتي كويسه أنا اسفه ليه وقعتي كده السكل الطويله دي هي اللي وقعتك .

ألف سلامه عليك يا أستاذ إدوارد .. ثواني ماتتحركش انا هفك السلك من علي رجلك أصله طويل أوي

أستاذ إدوارد لامؤخذه إعذرني ! ... هو أنت جايب العبوات دي كلها لمين ؟؟..

 

جايبها لمين !! . جايبهالكم . جايبهالكم كلكم .. فكي السلك الأول يا بجعه فكي فكي رجلي هاتموت مخنوقه .

 

تسمع نادر ناديه صوت إدوارد يتألم .. فتنفزع و تتوجه فالحال إلي  السلالم وتنزل مُتسحبه لتراقب ما يدور

فتلمح إدوارد  مستلقي علي الأرض وحوله الكثير من عبوات الفوط الصحيه .. فتلطم علي وجهها بشده

 

منك لله .. منك لله فضحتني وشوهة سُمعتي منك لله يا إدوارد .. أه يا بطني أه يا بطني ياربي انا عايزه

المُسكن .

 

***

فيلا نادر وشهد الجونه

الحديقه 

الثانيه عشر ظهراً ..

 

كراويه  مرتدي شورط وتيشيرت ماركة قوتشي . يسقي زرع الحديقه وهو فارحاً في قمة السعاده

يقطف بعض الورود  ويأكلها وهو يغني ... تلمحه شهد من شباك غرفتها من الأعلى وتتعجب .

 

هو انت بقي اللي بتعمل كده فالورد وانا أقول الورد مابيطرحش ليه . يا خربيتك يا خربيتك

 أنت مجنون ولا جري لعقلك حاجه . أنت بقي اللي بتاكل الورد ده كله !!.

 

شهد هانم .. أنا اسف والله . أسف أصلي شكله حلو أوي . أوي يا هانم شهد  .

مانتي كل يوم تصحي متأخره وانا ببقي هاموت من الجوع  وعايز أفطر ومافيش قدامي

غير الورد والشجر ... وليله وسهره ... وانت وانا . يا حبيبي أنا . يا حياتي أنا . يا مرايتي يا مرايتي ..

 

تبدأ تنهمر دموع شهد .

بس بطل اسكت .. تتصدق يا كراويه الطقم اللي انت لابسه بتاع نادر طليقي نادر هياكل من عليك حته

سيب بقي كل اللي فأيدك ده واطلع يلا علشان عملالك فطار هيعجبك ...... استنا استنا

أبقي اقطف وردتين وهاتهم معاك علشان عايزه أجرب طعمهم انا كمان .

 

من عينيا يا هانم شهد أنتي تأمري . هقطفلك حزمه حالاً ..

 

***

 

عيادة الدكتور بُلبُل الببلاوي

أخصائي ذكوره وعقم وأعضاء تناسليه وجلديه ونساء وتوليد

وغدد حفظاء صماء 

السابعه مساء ..

 

دكتور بُلبُل جالساً بكل وقار أمام مكتبه يقرأ بعض التقارير الطبيه لحالة سيده مريضه . بعد الإنتهاء

يمسك سماعة التليفون ويضعها علي اذنه .

 

أيوه يا عصافير الجنه .  دخليلي حالة مدام عنفوان  . أنا جاهز و في إنتظارها .

 

يضع سماعة التليفون وهو مستغرب بشده يُحدث باله مُتعجباً .

 

غريبه .. دي عندها الإنتربول عالي فالدم .. انا عمري ما شوفت كده .. عايشه إزاي الست دي !.

 

تدخل السيده .. ويقف الدكتور بُلبُل ليصافحها وهي الأخرى تصافحه .

 

مدام عنفوان أهلاً أهلاً أهلاً . ألف سلامه عليكي .. أتفضلي أتفضلي اقعدي . الف خطوه عنيفه نورتي

قبل أي أحاديث جانبيه . ليا سؤال عندك والسؤال ده حياتك متوقفه عليه .. يا ريت تجوبيني بكل صراحه

حضرتك بتضربي مخدرات ... أيوه ولا  لاء ... مابحبش اللف والدواران وخلقي ديق عايز إجابه ..

 

أيوه ... أيوه يا دكتور بُلبُل ... أنا للأسف ... مُدمنة لكل أنواع المخدرات ..

 

يبتسم دكتور بُلبُل  بسخريه .. ثم يقف وهو ناظراً لها ... ثم يلف حولها أثناء الحديث ..  

 

مم .. أه ..  مهو علشان كده الإنتربول عالي عندك فالدم يا ست هانم ... قسماً عظماً . قسماً عظماً

لو انتي بنتي كنت سلمتك فوراً لأي مطار وسيبتك عندهم ... تقدري تقوليلي يا عنفوان هانم بتعملي

في نفسك كده ليه ... وبعدين ... وبعدين أهلك ليه مسمينك عنفوان عايز أفهم أنا ... وكنتي فين الساعه

سته إمبارح .. وبتكلي إيه .. صدقيني . صدقني الإنكار مش هايفيدك . أنا عايز اساعدك وأعالجك

أنا عايز أركز وأدوب في حالتك انتي .. عايزك تنسيني حالة المهببه علي عينها مطرح مارحت نادر ناديه

أبوس إيديك . أبوس إيديك ساعديني يا عنفوان ..

 

*** 

المحكمه 

التاسعه صباحاً ..

نادر يترافع عن برنس البرانس للمره الاَلف .

 

هذا الرجل مزال حياً يُرزق  .. نصيبه وقسمته .. ونحن تعبنا ... نحن تعبنا يا سيادة القاضي

قد نبح صوتنا  نباحاً كنباح صوته المُتكلب ابن المُتكلب .. لم يمت ابداً ... أجل لم يمت .

رميا بالرصاص لا ينفع .. حجراً بالحجاره لا تنفع .. شنقاً بالأحبال لا تشنق .. لبساً بالبووس لا تلبس .

ماذا نفعل معه .. فأنا قد إقتربت عن التنحي من منصبي وترك المحماه لكبر السن وشيبة  الشعر وثعلبته

وهو مازال حياً يُرزق .. ومازلنا نترافع ونترافع ونترافع  لحد ما هو رفعنا كلنا .. عفوا يا سيادة القاضي

أقصد لحد ما هو جعلنا نفقد الأمل وخيب ظننا في موته وإنهائه من تلك الحياة . برنس البرانس لم يكن إنسان

ولا حيوان ولا أي من فصائل الطيور . ولذالك أطالب ببرائة موكلي براءة كامله لكي نستريح جميعاً من تلك

اللعنه التي حلت علينا والتي ألبستنا فالحيط جميعا  .. شكراً سيادة القاضي .. أنا خلصت كلامي .

 

يقف القاضي و يدخل الغرفه الخلفيه ليتشاور مع أعوانه لبعض الوقت .. ثم يخرج

لينطق الحكم .. مع سماع كلمة  " محكمه "

 

يصمت الجميع ويقفون فالحال ليستمعوا إلي حكم القاضي علي برنس البرانس

 

" حكمت المحكمه حضوريا علي المتهم في جميع التهم الموجهه والمنسوبه إليه واسمه الثلاثي

برنس البرانس إبليس .. بالبراءة  الكامله التي لا غبار عليها ولا عفره . رفعت الجلسه ..

 

***

فيلا عفيفي الدحديحي - حديقة الفيلا

 

مش قولتلك يا برنس  إن نادر جوز بنتي شهد محامي معروف عنه الدهاء وحويط في كل مرافعاته

 

بصراحه يا دحديحي بيه .. مش عارف اودي جمايلك فين ولا جادر أعبرلك عن فرحتي وسعادتي

والله .. والله في سماه  لأعمل أكبر فرح وحفله فالبلد عندنا مخصوص  لنادر بيه  من المغرب للصبح

هدبح فيها ألف عجل وعشرين ألف خروف وأربع معيز ..

 

هاهاها ألف عجل ... يلا خلي الفقرا ينبسطوا ... ماتقلقش خالص هبقي أبلغ نادر بمعاد الحفله

سيبك بقي من نادر والمعيز .. وخليك معايا أنا .. فين مكان المخدرات اللي تمنها 100 مليون يا برنس ؟؟

 

ماتجلجش . ماتجلجش خالص يا دحديحي بيه فالحفظ والصون .. وهسلمهالك في حفلة نادر بيه بعون الله .

 

يبتسم الدحديحي بشده  ويقوم بالخبط علي كتف برنس ..

 

طمنتني الله يطمنك .. نفتح بقي .. أجمل وأغلي إزازه  بمناسبة براءتك  ورجوعك لينا بالسلامه يا إبليس .

اتفضل .. اتفضل اشرب ..اشرب ..  إستعيذ بالله الأول قبل ما تشرب .

 

*** 

فيلا إدوارد - حديقة الفيلا

الرابعه عصراً ..

 

نارد جالساً وحيداً يدخن سيجاره سارحاً يفكر .. يأتي إليه إدوارد ويجلس أمامه ويخطف السيجاره

من فمه ويرميها فالبسين ..

 

صحتك بقي إرحم نفسك شويه يا أخي وبطل تفكير وبطل تشيل الهم بالشكل ده  ..

أكيد مش انت بس اللي حالتك نادره أكيد في حد تاني زيك فالعالم عنده الحاله الغريبه اللي عندك دي

وقولتلك إطمن خالص طالما ربنا معانا والبروفيسور بُلبُل الببلاوي عايز إيه تاني يا نادر عايز إيه تاني !! .

بجعه بتحبك وبتموت فيك واعترفت ليا ولشانيل بحبها ليك ... وإذا كان علي كرتونة الفوط الصحيه الكبيره

ابقوا هادوا بعض بيها و شاركوا بعض والبسواها سوا انتوا الاتنين لما  تتجوزوا  يا أخي .

 

ممم ..  فوط صحيه ...انت فكرك كده يا إدوارد ..

 

اه طبعا يا نادر يا حبيبي امال فكري إيه غير كده ..

 

يرن هاتف نادر ..

 

حاضر يا إدوارد  هرد علي الفون واقولك هنعمل إيه بكرتونة الفوط الصحيه الكبيره  . حاضر ..

 

الو ...

 

***

سيارة نادر

الرابعه والنصف عصراً ..

 

براحه يا نادر براحه بتجري ليه بالعربيه كده هانموت .. طيب ما تقولي إحنا رايحين فين فهمني .!!

 

حمايا كلمني قصادك زي ما سمعت و بيشكرني علشان كسبت قضية برنس البرانس وأفرجوا عنه

وقالي كمان إن برنس عاملي حافله كبيره بعد بكره عنده فالبلد بمناسة خروجه من السجن .

 

طيب وايه دخل اللي انت بتقوله وبالسرعه كده بالعربيه هدي السرعه شويه يا أخي .

 

مافيش وقت انا لازم أبتدي من دلوقتي والحق ألف علي جميع محلات الأجهزه الإلكترونيه واشتري

أغلي كاميرات ومايكات وأجهزة تجسس ..

 

اعوذ بالله أجهزة تجسس ... ليه يا نادر انت نويت تشتغل جاسوس .. جاسوس يا نادر . يا نهار أسود .

 

يا غبي يا غبي أفهم ... الحفله دي انا واثق مليون فالميه إن برنس البرانس هيسلم المخدرات لحمايا

ساعتها بقي هحطهم كلهم تحت ضرسي . وأعرفهم إن الله حق وأقول عليهم يا رحمان يا رحيم .

 

طيب .. وانا يا نادر .. أنا  ؟ ..

 

وأنت إيه ..

 

هعمل إيه  ودوري إيه  فالفيلم ده كله ..

 

أنت يا إدوارد يا حبيبي .... هلبسك كرتونة الفوط الصحيه الكبيره واقولك تعمل إيه ساعتها ..

 

***

المول – محلات سوني

 

لو سمحت من فضلك .. انا عايز اغلي كاميرا عندكم فالمحل .

 

حضرتك الكاميرات زي ما انت شايف أسعارها كلها قدامك بتبتدي من عشرين اَلف لحد تسعين الف .

 

إديني خمس كاميرات من اللي تمنهم تسعين ألف .

 

أأمر يا فندم ... اتفضل .

 

والمايكات  عايز أغلي مايكات عندك .

 

حضرتك المايكات زي ما انت شايف أسعارها كلها قدامك بتبتدي من عشر ألاف لحد أربعين الف .

 

إديني عشرين مايك من اللي تمنهم أربعين الف .

 

حاضر يا فندم .. أتفضل ..

 

والنظارات المعظمه .. عايز اغلي معظمات ..

 

حضرتك النظارات المعظمه زي ما انت شايف أسعارها كلها قدامك بتبتدي من ألفين لحد خمسين ألف .

 

 

أدي تلاته وتلاتين نظاره معظمه من اللي تمنهم خمسين ألف ..

 

تحت أمرك يا فندم ... اتفضل ..

 

تمام أوي أوي ... الحساب كده كام  ؟ ..

 

الحساب ..... والله ما فاكر يا فندم ..

***

فيلا إدوارد - المطبخ 

الخامسه والنصف مساء ..

 

بجعه جالسه أمام طاولة المطبخ تحكي مأساة حياتها . وشانيل جالسه أمامها تستمع لها دامعة العينين

وهي ترشف النسكافيه متأثره .

 

دكتور بُلبُل عمل فيا كتير يا اَنسه شانيل .. كتير .. ومهما حاكيتلك الكلام مش هيكفي ولا يخلص .

كان يقولي لو فكرتي للحظه و لو شوفتك عتبتي الشارع .. هحطك في مايه سخنه بتغلي وريشك ده

هفضل أشد فيه بأيدي لحد ما يبنلك صاحب . كان بيعملني كأني فرخه . فرخه يا اَنسه شانيل فرخه

 

يدخل إدوارد المطبخ  عليهم فاجأة و يقاطعهم

 

شانيل بجعه تعالوا ورايا علي العربيه عايزكم أنا ونادر فيه كراتين أجهزه كهربائيه كتير كتير أوي

 عايزين ندخلها البيت وصحتنا علي قدنا تعالوا ساعدونا  ..

 

***

عيادة الدكتور بُلبُل الببلاوي

أخصائي ذكوره وعقم وأعضاء تناسليه وجلديه ونساء وتوليد

وغدد حفظاء صماء 

الخامسه والنصف مساء .. المعمل

 

دكتور بُلبُل جالساً داخل غرفة المعمل مُنهمك في عمله المتواصل دون كلل أو ملل . للحصول

علي نتائج وعلاج لمرض نادر . ينظر في عدسة المايكرسكوب . يلف البكره بهدوء شديد

لكن يده ترتعش دون سبب .. ينظر ليده بإستغراب . ثم يحاول مره أخري . لكن يده مزالت ترتعش .

 

أعوذ بالله . أعوذ بالله .. إيه اللي حصل لأيدي منك لله . منكم لله ماطرح ماروحتوا يا نادر ولا يا نادر ناديه

ولا يا ناديه .. هفضل أدعي عليكم انتوا التلاته إلهي ينتقم منكم . أقبح حاله قابلتني في حياتي أقبح حاله .

أنا ممكن أتمسك أداب بسبب الحاله دي ويقفلولي العياده . تلات أجناس في جنس واحد إزاي عايز أفهم

مهو لو إعلان شامبو كنا بنشوفه فالهباب التليفزيون كنا قولنا ماشي ..

 

يترك دكتور بُلبُل المايكرسكوب . ويتصل ..

 

أيوه يا عصافير الجنه .. أنا في المعمل فالدور التاني اطلعيلي حالا عايزك ..

حالات إيه بس اللي ماليين العياده قوليلهم يروحوا لدكتور تاني أنا مش فاضي اطلعيلي فوراً .

 

 تصل عصافير الجنه إلي المعمل . تدخل وهي حامله في يدها كأس عصير طماطم .

 

إيه اللي معاكي ده .. أنا قولتلك عايز طماطم ... ردي .. ده معاد عصير الطماطم يا عصافير ؟.

 

لاء يا دكتور مش معادها . بس انا حسيت إنك متعصب و طلبتني  فوراً علشان كده  .

 

طيب . إنزلي هاتيلي كل التقارير والإشاعات وكل ما يخص حالة نادر ومرضه القبيح

لإني شاكك في حاجه كانت غيبه عن بالي .. اتحركي انطلقي طيري رفرفي امشي .

 

استني عندك .. هاتي الطماطم دي ادوقها ...... مم ..... طعمها مش مظبوط ليه يا ست عصافير

فيها حاجه غلط .. ابقي ذوديلي المره الجايه الملح والفلفل وفصين توم ..

 

حاضر يا دكتور من عينيا الاتنين . بس انا من رأيي طالما كده يبقي أحطلك عليها عودين إسباجتي 

صدقني  صدقني هتبقي تحفه .

 

انتي بتتريقي يا ست هانم . اتفضلي امشي . امشي يلا روحي هاتيلي القارير ..

 

***

فيلا نادر وشهد - الجونه 

التاسعه مساء - الريسبشن

 

شهد جالسه علي الأرض وفي يدها الريموت أمام شاشة التلفاز الكبيره .. يبدو عليها العصبيه الشديده

وهي تحاول إلتقاط بعض القنوات وتظبيط الريسيفر .. لكن دون فائده .. تنادي علي كراويه لطلب المساعده .

 

كراويه ..... كراويه .... انت فين در عليا ... كراويه .... مُصيبه ليكون قاعد مع جوليت بره فالجنينه

وسايبني كده محتاسه .. يا ربي انا ناقصه جنان ..

 

أيوه ... أيوه يا شهد هانم ... كنتي بتنادي عليا .. انا سمعتك وانتي بتتكلمي عليا .. لاء يا مدام شهد لاء

أنا ماكونتش قاعد مع جوليت فالجنينه بره ... قولوا للي أكل الحرام يخاف كل اللي أكله يحدفه .

 

إيه اللي انت بتقوله ده ! ... أنا عايزاك تساعدني أصلح الهباب ده .. ممكن تطلع فوق علي السطح

تظبط الدش .. وانا هبقي اعلي صوتي من هنا واقولك الصوره ظهرت ولا لاء .. فهمت .

 

اتفقنا يا شهد مدام تحت امرك انتي تأمريني أمر .. ده انتي لو طلبتي مني أرمي نفسي من فوق السطح

ارمي نفسي ولا يهمني . روحي الطاهره هتفضل محوطاكي طول عمرك ومش هاتسيبك لحظه .

 

يا شيخ اتنيل أنا اطلب منك انت ترمي نفسك ... بطل رغي بقي واتفضل اطلع ..

 

 يترك كراويه شهد ... ويذهب للسطح ..... وبعد عدة دقائق.. تنادي عليه بصوت مرتفع

 

كراويه ....... وصلت ولا لسه ..... كراويه ...... ماترد عليا ... يا كراويه رد عليا .

 

تسمع شهد هبده شديده في حديقة الفيلا ... تضع يدها علي قلبها وتقف فالحال ..

 

 كراويه إيه الصوت ده ... كراويه .. انت كويس .. رد عليا

 

تذهب إلي باب الفيلا مُسرعه  وتنظر الي الخارج ... لتجد كراويه سقط من السطح  مفرود علي الأرض

و ظهره يتألم و يتقلب يمينا ويسارا من شدت الألم ... تجري شهد إليه مفزوعه قلقه .

 

يا نهار اسود ومنيل . يانهار اسود ومنيل بستين نيله عليك وعلي اليوم اللي عرفتك فيه .

استنا متتحركش إياك تتحرك انا بتصل بالإسعاف اهو  يارب استر يارب . يا رب استر .

 

شهد مدام .. عايز اقول وصيتي الأخيره ليكي . انا عندي اربع شربات وجزمه و

 

أتخرس خالص ماتنطقش اتخرس .... الو . الإسعاف . إلحقوني .

 

***

مستشفي  الجونه

 

مدام شهد ... حالة الإستاذ كراويه جوز حضرتك مش مُطمئنه خالص و فيه ح

 

استنا عندك يا دكتور كراويه جوزي إيه .. إيه اللي انت بتقوله ده  ... كراويه مش جوزي  ده منظر جوزي !!.

 

انا الدكتور المُعالج وعارف بقول إيه كويس .. هتعلميني شغلي ولا إيه حضرتك .. واللي انا بقوله لازم تسمعيه .

 

اسمع إيه وأنيل إيه  علي دماغك ودماغه ... ده مش جوزي .. مش جوزي .

 

ايوه يا فندم إهدي إهدي انا عارف إنو مش جوزك .. بس من النهارده لازم تمثلي عليه إن انتي مراته

لإن حالة الإكسلانس اللي عنده  وبيعاني منها خطيره . وممكن يموت في أي لحظه . ماتتخيليش الهبده اللي

اتهبدها علي الأرض وعلي دماغه ومن إرتفاع عالي لما وقع من السطح  كانت ممكن تعمل فيه إيه .

 

كانت ممكن تعمل فيه إيه يعني يا دكتور ؟ .

 

ماعرفش بس كانت ممكن تعمل .

 

ومعاملتش ليه .

 

علشان كانت .

***

 

سيارات نادر - المُقطم 

العاشره مساء ..

ناديه في قمة أناقتها .. متوقفه بالسياره أعلي هضبة جبل المُقطم . سارحه تشاهد أضواء القاهره ليلاً من

الأعلى .. عطرها الأخذ الجذاب ينتشر في كل أرجاء المكان من خارج السياره . يلفت نظر كل من حولها

وجمالها أيضاً الذي يسحر الأنظار والأبصار ..

 

يا رب سامحني . سامحني علشان انا نويت أنهي حياتي بسبب العذاب اللي انا عايشه فيه وأخلص من هم

هذا المرض اللعين .. الإنتحار هو اللي هيريحني ويريح إدوارد وشانيل والبروفيسور بُلبُل وكل اللي ليهم

صله بيا ويعرفوني .. انا منبوذه ممسوخه ملعونه . بس أنا مزنوقه وعايزه ادخل الحمام مش قادره مش

قادره .. أعمل إيه يا ربي أعمل إيه . ولا انتحر بالزنقه واخلص . حاجه غريبه !. هو إحنا ليه مابنعرفش

نمسك نفسنا زي الرجاله . مش قادره مش قادره .

 

في تلك الأثناء توجد سياره اخري مركونه بجوار سيارة ناديه

يوجد بداخلها رجل الأعمال صفاء الحلازاوي . والذي قرر الإنتحار هو الاخر بسبب إفلاس جميع شركاته

وخسارته في البورصه العالميه .

 

سامحني يا رب .. علشان انا نويت ...

 

يسمع خبط علي زجاج النافذه . فينظر بعينه ويري ناديه 

 

مانوتش مانوتش يا رب مانوتش . إيه الجمال ده يا رب إيه ده . هي الدنيا فيها حوريات بالجمال ده .

 

يفتح النافذه فوراً وهو مُبتسم لها ..

 

مش قادره .. مش قادره .. مش قادره 

 

مش قادره إيه يا فندم فيه إيه تحت أمرك .. ماسكه بطنك ليه .. حضرتك هتولدي .. انا مش شايف أي بطن

كبيره تستدعي لكل هذا اللي انتي بتقوليه .

 

***

 

احد الفنادق العالميه  

الحاديه عشر ..

 

موسقي رومانسيه هادئه .. أطعمه متنوعه وجميع أنواع الخمور .. ناديه جالسه مع الحلازاوي .

 

مش عارفه أقولك إيه يا أستاذ حلازاوي بجد .. انت أنقذتني في اَخر لحظه .. لولا فرع الشجره

اللي انت كنت بتداري عليا بيه .. كنت أتفضحت وعملتها علي نفسي .. بس انا كنت ملاحظه

إن انت كنت بتبص عليا ما بين ورق الشجره . لكن مش مشكله . مش مشكله إن واحد بس يبص

احسن من إن مصر كلها تبص عليا وانا فالموقف المُحرج ده ..

 

اللي ما يبصش عليكي يا ناديه هانم يبقي بجد بجد أعمي البصر والنظيره  .    

 

النظيره !! ..... أفهم من كلامك .. إن أنا عجبتك يا حلازوني بيه

 

أوي أوي يا ناديه هانم . عجبتيني أوي . اسمي حلازاوي .. حلا  زاااوي .

 

***

فيلا نادر وشهد - الجونه

الواحده مساء .. غرفة شهد ..

 

كراويه مستلقي علي السرير .. جسده كله مربوط بشاش أبيض ووجه وعينه . ما عادا فمه فقط ..

 

أفتح بؤك .. اخلص أفتح بؤك ماتتعبنيش .

 

مش شايف مش شايف افتح بؤي فين . قربي المعلقه علي شفايفي .. انتي هتأكليني إيه يا شهد مدام .

 

عملالك شوربه هتاكل الشاش ده كله وراها .. لازم تتهبب تاكل علشان تعيش .

 

طيب طمنيني أبوس إيديك طمنيني .. الدكتور قالك عندي إيه . لسه فعمري باقيه ..

 

هطمنك يا كراويه هطمنك .. الدكتور قالي عندك حاله خطيره اسمها الإكسلانس ..

 

الإكسلانس !! ..

وبتعمل إيه الإكسلانس دي فالواحد يا مدام شهد .. قوليلي طمنيني .. قووولي . قووولي .

 

انت بتزعقلي ليه يا حيوان أنت ... بتخليك عندك كبرياء وكرامه و إكسلانس في نفسك .

 

تأتي رساله علي هاتف شهد .. تمد شهد يدها وتمسك بالهاتف لتقرأ الرساله ..

 

شهد هانم .. أنا صبري  مدير أعمال الدحديحي بيه أبوكي .. ممكن تكوني شوفتيني قبل كده ..

يا ريت الرساله دي تكون سر بيني وبينك انا وانتي وبس

الصوره اللي انتي شايفاها قدامك دي . لوحده في قمة الجمال و كل رجال أعمال مصر هيتجننوا عليها

و تقربلك أوي أوي . لكن مش هقولك هي مين ... إلا لما نتقابل أنا وانتي شخصياً في أقرب وقت  ..

***

فيلا  - الحلازاوي

الثانيه بعد منتصف الليل - الريسبشن

 

حلازاوي بيه .. إيه صورة الحمار اللي انت معلقها في كل مكان وعلي كل حيطه فالبيت دي ..

ممكن أعرف إيه السبب . هو فيه صلة قرابه .

 

لا .. لا يا ناديه هانم مافيش أي صلة قرابه .. يا ريت .. يا ريت كان فيه .

 

يا ريت كان فيه ليه !! .. إيه السبب . عايزه أعرف إيه السبب .

 

السبب ... إن بعد كل قصة حب أفشل فيها . بعلق صوره منهم .. علشان افكر نفسي إن أنا ... إن أنا

 

انت إيه .. أنطق قول .. أنت إيه . ماتستخسرش في نفسك الكلمه اللي بتصف نفسك بيها وبتريحك قول .

 

من غير ما أقول .. الصور اللي قصادك دي كلها بتوضحلك وبتقول من نفسها أنا أبقي إيه ..

 

إيوه بس علي كده أنت ..... أنت حمير مش حمار واحد  . دول كتير أوي يا حلازوني بيه .

بس صدقني انت راجل طيب وشهم ووقفت جنبي في زنقتي . وانا نويت أعوضك عن زريبة حياتك دي كلها

مش هاتشوف مني غير كل برسيم أخضر وبس ... أنا بجد عايزه أتجوزك و أخلف منك ويبقالي أحفاد وانت تبقي

 أبوهم ... قولت إيه .. أنطق .. أتكلم .

 

انا موافق ... طبعاً موافق ونفسي أحضنك .. هاموت واحضنك

بس فيه فاصل ضخم وكبير أوي بيني وبينك بيمنعني ... ماعرفش إزاي انتي بتروحي بيهم في كل مكان كده

ومتحمله الحمل ده كله إزاي ... إزاي يا ناديه هانم ...

 

هاهاها .. قصدك معنوياتي وانوثتي الطاغيه ... إن شاء الله .. إن شاء الله هيربوا أجيال وأجيال بوجوك

وهمتك معايا .. لازم يا حلازوني بيه تتحمل الضغط الكبير وتبقي قدها .. وتعرف إحتياجات زوجتك

الجليله العظيمه .

 

بقولك إيه يا ناديه هانم ... أنا مش قادر . يلا بينا علي المأزون 

 

أه . أه  دراعي 

استنا .. مش بسرعه كده .. خليها بكره الساعه تسعه بالظبط .. علشان الحق انقي فستان الزفاف

وبعدين انا عايزاك تشيل صور الحمير دي كلها اللي في كل مكان  ... وتحط صورة  بقره

صورة بقره واحده بس . وابقي انا الوحيده اللي في حياتك .

إنتي تأمريني أمر يا قمر . ده إنتي اللي هتراعيني يا مراعي حياتي كلها .

 

***

فيلا نادر - الريسبشن

الواحده ظهراً ..

 

نادر ... يا نادر ... ماترد عليا مالك سرحان ليه !!.

 

عايز إيه يا إدوارد .. قول ..

 

بجعه عايزانا كلنا نروح لشيخ أو عراف ساكن عندها فالحاره .. حلفتلي وأقسمتلي إنوا هيحللك المشكله

والمرض اللي عندك والحربايه اللي لبساك  ... قولت إيه .... تعالي يا شانيل اقنعيه . اقنعيه يا شانيل .

أيوه نادر . انتي لازم تروحي لعفار ويعملك عمل عشان تخفي .. مع دوا  البروفيسور بوبلول  كمان ..

 

عايزاني أروح لعراف يا شانيل !!.  أروح لمنجد أقصد منجم .. انتي كمان عرفتي السحر والشعوذه .

 

اه . عرفت . عرفت من بجعه .

***

مكتب الشيخ  رجب العراف 

الثانيه ظهرا ..

 

إضاءة خافته . اَبخره بيضاء كثيفه تتصاعد بكل أرجاء الغرفه .

نادر شانيل بجعه إدوارد . جالسين بجوار بعضهم العبض علي كنبه . يبدو عليهم الإستغراب والقلق

وهم يستمعون إلي الشيخ رجب الذي ينطق ببعض الكلمات الغريبه بصوت مرتفع و مرعب .

 

الغراب غربه .. الحدايه حدوه .. الشجره ترابيزة سفره .. العصفور  لسان شُربه ...  

الدجاجه كنتاكي .. البقره ماكدونالدز .. البرجر كينج .. السمك كابوريا ... الكباب كفته .. ال

 

إيه يا إدوارد  ده .. إيه يا إدوارد . انت جايبني لواحد ميت من الجوع يا أخي . صدري هيتخنق . هتخنق

من الدخان ده كله ... ما كان شوا حاجه وأكل وريحنا من ده كله .

 

أصبر يا نادر يا حبيبي أصبر هو عارف شغله ... و الموتوسيكل بتاعه اللي مركون بره ده . بيأكدلي

 إنوا كان شغال دليفري في بداية حياته ... كمل ... اتفضل كمل يا شيخ رجب أسفين كمل ..

 

المحمر بطاطس .. الحادق جبنه .. الحلو تشيز كيك .. الساقع بيبسي .. النادر .. النادر .. النادر ناديه .

 

يصمت الجميع ويقفون فالحال  ينظرون إلي بعضهم بإندهاش شديد مذهولين .

 

دمتم بخير : محمد فيوري 

" جزء جديد قريباً "