" مرض نادر "
للكاتب : محمد فيوري
تحذير : غير ملائم للجميع
تصنيف : كوميدي
اللغة : عاميه مصريه
السن : + 18
الأجزاء : 10 +
تاريخ النشر : 13-5-2021
" نحن نهتم أن تتخيل ما تقرأ "
شقة الدكتور
خاطف شانيل
الواحده بعد منتصف الليل ..
وسط الريسبشن
إدوارد وشانيل مربوطين في كراسي ظهراً
لظهر ..
واقفاً أمامهم الدكتور
وفي يده مشرط يهددهم به وهو يلوش بيده ..
يا دكتور يا دكتور
طيب هي بنت أجنبيه و موزه رقيقه زي ما أنت شايف
كده بعينك الأتنين اللي تتحرم منهم
انا ذنبي إيه تربطني
معاها وعايز مني إيه !. أنت يعني شايف فيا
أي حاجه تغريك
لو شايف قولي .
هاها .. أنا رابطكم
انتوا الأتنين علشان عيني عليك أنت وعايزك ورايدك أنت
ورابطها هي معاك علشان أنا
خايف منها تضربني ولا تعملي حاجه ..
عينك عليا ازاي أنت عبيط
وأحول بقي .. لاء أسمع أنا راجل وسيد
الرجاله
مش كده يا شانيل ولا إيه
. ردي عليه وقوليله .
أيوه إدوارد إنتي راجل
إنتي راجل وشديده شديده قوي .
هاها . بتقولك انتي
وشديده .. يبقي أنا مش غلطان . نظرتي ماتخيبش أبداً .
لعلمك بقي أنا ليا
فالأتنين وهابتدي بيك أنت الأول
ولما أخلص معاك يبقي أحلي بالقشطه اللي جنبك دي
. قولت إيه ..
وعايز أقولك علي حاجه كمان . خد المفاجأة
الكبيره دي مني
أنا مش دكتور .. و
المستشفى دي مستشفي مهجوره مافيهاش حد
خالص
بروح أشوفلي أي
وحده جايه بالصدفه بخطفها واجي علي هنا .
طيب ليه يا أحول خطفت
شانيل وسايب الست الحامل يا غبي . دي الحامل أشد بكتير .
أنت بتقول إيه !..
والنبي كان في وحده حامل فالمستشفي . أنت بتتكلم بجد .؟
والمسيح في وحده حامل
فالمستشفي عايزه تولد دلوقتي حالاً وعلي اخرها .
لاء . لو كده أنا أروحلها فوراً ..
استنا عندك تعالي أبوس
ايدك فكنا قبل ما تمشي ماتسبناش كده ..
فكوا نفسكم انتوا .. انا
رايح أولدها بسرعه ربنا يستر مافيش وقت .
يتركهم مربوطين ويرحل
مسرعاً ..
بطلي يا شانيل بطلي هز
وفرك فالكرسي بالشكل ده بقي ، لحد مانتصرف و نشوف
هنتهبب نعمل إيه فالمصيبه دي ونفك الحبل .. ده رباط
مقدس ده ولا إيه مش فاهم !.
إدوارد إلحقيني عايزه . عايزه
. عايز ... ... موش عايزه خلاص . موش عايزه .
إيه يا شانيل المايه الدافيه
دي .. ها . إيه . ليه . مين .... ياخربيتك ..
***
فيلا عفيفي الدحديحي
انا شهد الدحديحي حديدي الدحديحي . من فضلك اترك رساله .
أو ماتتركش براحتك .
الو .. انتي فين يا شهد ردي عليا طمنيني انا قالب عليكي
الدنيا انتي بخير ..
وفين جوزك الحيوان نادر ، صبره بس عليا لما أشوفه هطلع عينه علي المصايب اللي هو
بيعملها
من ورا ضهري .. طمنيني عليكي يا شهد يا حبيبتي انا عارف
إنك فالجونه .. منتظر تليفونك . لو ماتصلتيش
بيا هنزلك الجونه بنفسي ومعايا اغلي هديه فأيدي علشان
ترضي عني .. انا اسف يا حببتي لو زعلتك مني ..
****
صحراء جرداء
أمام باب فيلا سناء السمكري
الثانيه بعد منتصف الليل
.
سناء السمكري ينهج بشده . رابطاً ناديه من يدها بحبل طويل محاولاً
سحبها لداخل الفيلا .
ادخلي اتحركي قطعتي نفسي
قبل ما أعمل معاكي حاجه .. اتحركي قولتلك ..
اتحرك إيه يا جزمه قديمه
يا قليل الربايه .. في حد يعمل في انثي كاملة الأنوثه اللي انت بتعمله ده !.
طيب قولي إنك محتاجني من
غير حبل . هو انت شايفني بقره حلوب يا ابن الكلاب يا صرمه قديمه ..
هاهاها . بقره حلوب ده انتي تقولي للبقره قومي وانا أقعد مكانك .. هتجنن
مش عارف مقاسك بتجبيه
من فين !. مافيش مصانع
بتنتج المقاس ده نهائي فالعالم كله .
طيب يا خفيف عندك برسيم
للسهره . ولا ساحبني علي ملا وشي في إنصاص الليالي علي الفاضي .
برسيم !. طبعاً عندي
برسيم . اتفضلي اتفضلي خطوه عزيزه . نورتي يا جميلة الجميلات
والله برنسيسه نورت بيتي
.. انتي برنسيسه نورت بيتي .... استني
استني عندك ماتتحركيش
خشي بصدرك اليمين ... أيوه كده .. .. إيه الجمال
والرقه دي كلها ... خلي التاني يدخل بقي
مايصحش يفضل بره لوحده ولا إيه ... أيوه ... أيوه كده .. يا مرحب بيكم . يا مرحب بيكم .
***
فيلا الدكتور بُلبُل الببلاوي
غرفة المكتب
الثانيه بعد منتصف الليل ..
يا بجعه ... بجعه .. انتي يا اللي اسمك زفت بجعه .
نعم نعم يا
دكتور بُلبُل تحت امرك . انا اسفه لو كنت انت بتنادي وماسمعتكش .
ممم .. اسفه .. كنتي نايمه .. مش انا منبه عليكي إياكي
تنامي لحظه وحده طول ما نور المكتب عندي منور
علشان بخاف اسهر لوحدي يا بجعه .. قولت ولا ماقولتش يا
ست هانم .. انطقي بيضي كاكي !.
ممم . غسق وتغريد و كروان كلهم ناموا .. غطيتهم بالريش
كويس علشان مايخدوش برد ولا نسيتي .
أيوه غطيتهم بالريش يا دكتور بُلبُل .. بس في ريشه دخلت
في بُق كروان وكان هيتخنق وهو نايم . شيلتها
من بُقه بسرعه قبل ما يتخنق . الحمد الله ربنا ستر الحمد
الله جت ساليمه ..
عملتي ليه كده يا غبيه .. عملتي ليه كده ... كنتي سيبي
الريشه تخنقه .. لازم يتعلموا الطيران في كل
الأوقات حتي وهما نايمين ... امشي امشي من قدامي روحي
اعمليلي عصر طماطم . رفرفي من قدامي
اتحركي ..
***
فيلا نادر وشهد . الجونه
غرفة نوم شهد
الثانيه والنصف بعد
منتصف الليل .
هدوء تام يعم المكان
باب الغرفه مُغلق
بالمفتاح .. شهد جالسه وسطت السرير تماماً سهرانه تتصفح مجلة خاصه بالفشن
تسمع فاجأة صوت خبط شديد
علي باب الغرفه .. تضع يدها علي قلبها فالحال من الخضه .
مين .. مين اللي بيخبط
!.
مين إيه يا شهد مدام هو
فيه حد غيري انا وانتي فالفيلا .. افتحيلي ابوس إيديك انا خايف انام لوحدي
الدنيا ساكته بره وخايف أبوس
إيديك . نيميني تحت السرير زي الكلاب أوعدك مش هعمل دوشه افتحي .
كراويه روح نام انا مش
ناقصه جنان .. انا مش عارفه انام انا كمان
و خايفه .. اقولك علي حاجه حلوه
علشان نطمن بعض إحنا
الأتنين . نام عندك جنب الباب وهبقي احطلك اكل ومايه الصبح لما أقوم من النوم
تسمع شهد صوت غريب يصدر
من كراويه . تضع يدها علي قلبها خائفه . كأنه صوت بكاء وعويل
وانين كلاب ..
كراويه مالك .. انت
بتعمل كده ليه رعبتني ارجوك قول فيه إيه . انت بتعوي زي الكلاب ليه كده انا بخاف
اسكت اسكت .. ها .. ست
ست .. ها ست .
طيب مش هاخوفك يا مدام
شهد . بس ابوس ايديك افتحي انا حلمت بكابوس
كابوس فظيع يا شهد مدام
وخايف خايف قوي ..
افتح إيه يا قليل الأدب
انت .. انا انثي وحيده مُطلقه موجوده في غرفة نومها لوحدها .. نام جنب الباب
ولما نصحي الصبح هربطك
بالسلسله ونروح نتفسح ونتمشي علي البحر سوا .. تصبح علي خير .
بتقوليلي تصبح علي خير
يا مدام شهد .. طيب انا همشي وهاسيبك فالفيلا العريضه دي لوحدك
ولو جالك كابوس ابقي
اتصرفي انتي مع نفسك .. تصبحي علي خير سلام ..
كراويه .. استنا عندك ..
كراويه .. انت سامعني .. الله يخربيتك هو راح فين بس يا ربي . العويل سكت ليه
امشي .. مش خايفه ..
ماتنساش تقفل باب الفيلا وراك كويس .. في ستين داهيه .. كل الرجاله خاينين .
***
الصحراء الجرداء
فيلا سناء السمكري
الريسبشن
الثانيه والنصف تماماً
بعد منتصف الليل ..
صوت سناء السمكري أتياً
من داخل الحمام يأخذ شاور يغني فارحاً وهو مُنسجم
استعداداً للسهره الحمراء مع ناديه ..
ناديه جالسه علي فوتيه
واضعه يدها تحت خدها قلقه متوتره تهتز بتوتر شديد .. تنظر إلي ساعة يدها وإلي
عقرب الثواني المُميت
البطيء .. تنتظر الساعه تأتي إلي الثلاثه بفارغ الصبر حتي تتحول لنادر ..
تسمع صوت باب الحمام
يفتح قترتبك وتغطي ركبتيها .. يخرج سناء السمكري مرتدي روب ابيض مُبتسم
يتوجه ناحية ناديه
بخطوات هادئه وهو فارحاً هائماً .. يقف أمامها تماماً . تنظر له ناديه بخوف ورهبه
.
إيه .. قلقانه كده ليه
يا جميلة الجميلات وست الستات وام الأولاد
والعائلات و البنات ..
هو انت ليك فالشعر كمان
. انت شكلك كده ليك في كل حاجه بس مش باين عليك خالص يا سمكري بيه .
امال .. انا ليا فالشعر
.. ثواني اخد خمس حبايات زرق وأكلمك عن أشاعري . ثواني يا عسل
يمسك سناء السمكري بكأس
الماء ويضع خمسة حبايات زرق في فمه ويبتلعهم مره واحده فالحال
اه ه ه .. يا سلام طعمهم
حلو خالص .. انتي عارفه الخمسه دول
هيعملوا فيكي إيه جوا بيتي المحدوف ..
لاء مش عارفه .. هيعملوا
فيا إيه جوا بيتك المتنيل علي عينك وعلي عين أهلك المحدوف .
هيعملوا كتير .. هيعملوا
كتير قوي يا جميله .. جميلتي . حبيبتي . وردتي . بهجتي . قرونفولتي
قرفتي . يانسونتي ..
حلبتي . موغاتتي . تمر هندتي . كركديها هاتي .
كركديها هاتك !!.. هو
انت إيه بالظبط عطار ولا شاعر ولا نظام اللي خلفوك إيه يا سمكري . مش معقول
بتتعبلي أعصابي بشعرك
اللي كله مشروبات وأعشاب طبيعيه ده .. انا انثي حساسه بتأثر وبتعب بسرعه
من الكلام الحساس اللي
بالشكل ده . خش فالموضوع علي طول عايز تقول إيه .
انتي لسه شوفتي حاجه يا
جميله ... شوفي كده ... ها ... إيه رأيك .
يانهار أبوك اسود .. غطي
نفسك استر نفسك يا مجنون يا ابن الصرمه القديمه هصوت والم عليك الناس
هاهاهاها .. ناس ... ناس
مين يا جميله ... .. الحبوب اشتغلت خلاص .... و انا بيتي هاهاها محدوف
تقف ناديه وتحاول الهرب
في كل الإتجاهات من بين أنياب الذئب البشري سناء السمكري عديم الضمير ..
قسماً عظماً لو ايدك
لمستني يا سمكري ابوس ايدك انا عذراء .. حرام عليك ارحمني انا بنوته عذراء
طيب اقولك علي حاجه
اسمعني بس اسمعني ... انا كمان واخده حبوب ورديه بتاعت الستات . أيوه بتعتنا
انت زرقه وانا ورديه ..
استنا نص ساعه تشتغل معايا علشان يبقي فيه توافق وإنسجام ابوس ايدك ارحمني
استنا نص ساعه بالظبط أوعدك
...... قولت إيه انا فعرضك . انا فعرضك أتودد
إليك.
ماشي نص ساعه بس ..
علشان الحال مش بيفضل علي حاله وقت طويل يا جميلتي يا ريحانتي ..
حاضر صدقني حالك مش
هيتحرك من مكانه هيفضل باصص لفوق ديماً .. مش انت واخد خمسه وجامد
بس أنا عايزه اقولك علي حاجه مهمه يا سمكري .. وديني شوف
وديني . بعد نص ساعه لرفعك
انا هرفعك يا سناء يا سمكري
هرفعك وتبقي تقول بيتي محدوف براحتك صبرك عليا نص ساعه .
***
فيلا إدوارد
الخامسه صباحاً ..
تدخل شانيل وورائها
إدوارد من باب الفيلا ..
ظاهراً عليهم التعب والإرهاق
الشديد .. ملابسهم مُتسخه . ينظر إدوارد لشانيل ..
شانيل ..
نعم إدوارد نعم عايزه
إيه قولي ... طول الطريق شانيل شانيل ومش بتقولي انتي عايزه إيه !.
انا ... انا عايز استفرغ
يا شانيل عايز ارجع مش قادر بسبب اللي انتي عملتيه علي هدومي ده
ده حتي انا مش قادر ابوص
علي التي شيرت والبنطلون حرام عليكي يا
ظالمه يا جاحده ليه ماقدرتيش
تمسكي نفسك شويه ليه ..
انا أسفه إدوارد اسفه ..
اطلعي الحمام حضري نفسك وانا احصلك ناخد شاور سوا اطلعي اطلعي .
بجد .. بجد يا شانيل . بجد
هناخد شاور سوا .
اه .. بجد .. اطلعي بقي
ماتتكلميش كتير لحسن الرأي يتغير فالدماغي
استني إدوارد استني ..
هي فين نادر !. انا أأ لانه عليها قوي ..
انتي إيه ! .. أأ لانه
!.. صحيح نادر . يانهار اسود ومنيل انا نسيته خالص .. ياتري إيه اللي حصله .
يدخل نادر من باب الفيلا
ومازال مرتدياً ملابس الممرضه . لكنه بهئته الذكوريه الكامله
وديني يا إدوارد شوف
وديني .. هرفعك زي ما رفعت سناء السمكري .. صبرك عليا هاخد شاور
ونازلك ماتتحركش من
مكانك . وابقي وريني مين هيدافع عنك .
يصعد نادر السلالم
الداخليه للفيلا .. تنظر شانيل لإدوارد متعجيه علي منظر نادر .
إدوارد .. هي مين سناء
السكمري دي . انتي تعرفيها ..
مش عارف يا شانيل مش
عارف . تلاقيها وحده من اللي يعرفهم نادر ... بس هو بيقول يرفعني ليه !.
هو انا عملتله إيه !..
***
البحر الجونه
الواحده ظهراً .
غزل البنات غزل البنات عايز
غزل البنات . شهد مدام غزل البنات ابوس ايديك غزل البنات .
حاضر حاضر اسكت ها ست ست
.. هاجبلك غزل البنات انت فضحني وانت ماشي معايا بطقم الفرساتشي
بتاع نادر طليقي . مش
لايق عليك خالص يا كراويه . وكمان لابس الساعه والسلسله والنضاره ..
هه .. والشراب والجزمه
يا شهد مدام مش لازم أشرفك .. وبعدين انتي اللي قولتيلي نقي اللي نفسك فيه
من الدولاب .... شهد
مدام عايز انزل البحر المايه ارجوكي مش قادر الشمس حرقت فروتي عايزه مايه .
لاء بقولك إيه يا كراويه
. أحنا ماتفقناش علي كده .. وبعدين الطقم اللي انت لابسه ده مش هاينفع تنزل بيه
المايه . انا كنت جيباه
لنادر طليقي هديه من فرنسا بنص مليون جنيه مش هاينفع تنزل بيه المايه.. امسك
خد مفتاح الفيلا و روح غير الهدوم دي كلها وتعالي وانا مستنياك
هنا ..
يهون عليكي يا شهد مدام
امشي المسافه دي كلها لوحدي
انتي نسيتي وحدتي ومرايتي يا مرايتي قوليلي إيه حكايتي
... ونزلت دمعتي ..
تحزن شهد وتنهار من
البكاء
اسكت بطل . بطل .. بتقطع
قلبي .. روح انزل نط فالمايه افرح وفرفش روح يا كراويه .
يولع الطقم و يولع معاه نادر طليقي . امشي روح انزل المايه ..
يبتعد كراويه عن شهد
فالحال وهو يجري فارحاً بإتجاه المياه ليقفذ
براحه براحه حاسب حاسب
يا كروايه براحه ماتجريش كده .
خد بالك لحسن تغرق يا مجنون خد بالك .
كروايه من بعيد .
ماتخفيش عليا يا شهد
مدام ماتخفيش اطمني خالص
انا كلابي . قصدي بعرف أعوم عوم كلابي ..
***
فيلا إدوارد
يعني إيه اللي انت
بتقوله ده يا إدوارد يعني إيه !. مش فاهم
هاتجنن فهمني ..
زي ما بقولك يا نادر
المعمل اللي في بيت دكتور بُلبُل ولع ومزرعتك ولعت معاه
النار كلت كل المزرعه بالعينات والتحاليل والنتايج
والكتاكيت المساكين كمان .
مزرعتي ولعت !! .. مش ممكن
طيب ما الدكتور بُلبُل
عنده معمل تاني فالعياده بتعته وكان قايل إنو واخد عينه من
المزرعه بتعتي والتحاليل
معاه في معمل العياده . يعني كده كل حاجه تمام يا إدوارد .. صح ؟.
لأ يا نادر مش كل حاجه
تمام .. النتيجه اللي توصل إليها البروفيسور بُلبُل في معمل البيت .. كان فاضل
يومين ولا تلاته وينتج
منها الأدويه والحبوب اللي انت كنت هاتخدها علشان مرضك يا نادر .. كل حاجه
ضاعت من ايد الدكتور بُلبُل
في ثانيه .. مافيش قدمنا دلوقتي .. غير إن الدكتور بُلبُل يبتدي معاك من جديد
لا لا يا إدوارد .. انا
مش عايز علاج من الدكتور ده نهائي .
انا هحجز و اسافر المانيا اتعالج هناك وشكراً شكراً علي مساعدك ليا انت وشانيل .
لا نادر ماتقوليش كده
انتي اختي
لا لا مش هاتسافري نادر انتي هتفضلي مصر ودكتور
بوبلول تعالجك .
سامع يا إدوارد شانيل
بتقولي إيه .. سامع بودنك .. بتقولي انتي اختي .. انا اختها يا إدوارد اختها ..
انا تعبان يا إدوارد
نفسيتي اتدمرت . روجولتي راحت مني .. انا مش لاقيها مش لاقيها .
ماتعملش فنفسك كده يا
نادر . اهدي بس ووحد الله . كله هيبقي تمام .. صلي علي النبي كده واهدا ياحبيبي
عليه الصلاة والسلام ...
إيه ده يا إدوارد انت بقيت مُسلم ولا إيه .. اول مره اسمعك بتقولي كده !!.
لاء يا نادر .. انا مسيحي وهفضل مسيحي لحد ما
أموت .. بس من عشرتنا مع بعض بقينا نتأثر من بعض
وهنفضل اخوات وأصدقاء
إلي الأبد و ماحدش هايقدر يفرقنا عن بعض مهما كان جنسنا المُختلف . هنقف
ديماً جنب بعض ونساعد بعض .
يعانقان نادر وإدوارد بعضهما بشده ... يمدون يدهم لشانيل أثناء العناق ..
تعالي يا شانيل تعالي
احضني معانا انتي كمان . أيوه كده . أيوه كده .. بوسي نادر . بوسي نادر ..
لا بوسي إدوارد يا شانيل
إدوارد ... كفايا يا شانيل بوسي نادر ..
لا أدوارد يا شانيل انتي بوستيني كتير
اوووووه بوقي وجعتني منك انتي وهي من كتر البوسه ..
***
عيادة الدكتور
بُلبُل الببلاوي
أخصائي ذكوره
وعقم وأعضاء تناسليه وجلديه ونساء وتوليد
وغدد حفظاء
صماء
الو .... أيوه أنا ..
مين معايا ...
قدر الله ومشاء فعل يا
أستاذ إدوارد . نجيلك في كل مُصيبه تخدك ديماً انت وأهلك إن شاء الله .
أه مالها ... أه .... أه
... لسه يعني التحولات بتحصل معاها أو معاه مش فارقه . مهو جسده انتهي خلاص
المرض اتمكن منه .. أه
.... أه .... أه .... لاء مش تعبان انا
بسمعك وبقول أه ... كمل ... أه ... أه ... أه
وهي الأستاذه ناديه مابترفعش
سماعة التليفون وتتهبب تكلمني بنفسها ليه . انا مش قد المقام ولا إيه !..
أه .... أه ... أه ...
طب اسمع .. انا هبعتلك بجعه بكره الصبح ... يا اخي دي المساعده بتعتي اسمعني من
غير ما تقطع كلامي و إلا
قسماً عظماً احدفك بأوسخ شبشب عندي فالعياده انت والملبوسه اللي جنبك دي
هبعتلكم بجعه بكره الصبح
. هتاخد تلات شعرايات من شعر صدره قبل الفطار .. والتلات شعرات دول
هبتدي بيهم أبحاثي من
اول وجديد وامري لله ياسي إدوارد ..... يعني إيه تجبلي انت التلات شعرايات منه
لاء . انا قولت لازم
بجعه هي اللي تجبهم بنفسها ..... يعني إيه ليه يا رخم .... انا هقولك ليه وامري
لله
يا أستاذ إدوارد ..
اعذرني علشان بتعصب ... انا عايز بجعه اللي تجبهم بنفسها علشان مُنقارها طويل
فهمت مع السلامه .. مع
ستين سخامه علي دماغك انت ونادر و ناديه
في ستين داهيه ..
***
فيلا إدوارد
ها قالك إيه الدكتور بُلبُل يا إدوارد. طمني قالك إيه ...
أطمن خالص يا نادر ..
قالي هيبعت بجعه تاخد تلات شعرايات من شعر صدرك الصبح قبل الفطار ..
شعر صدري !! .. وبجعه
مين اللي هيبعتها .. بجعه إيه يا إدوارد ماتفهمني يابني ما تنطق ..
هيبعتلك بجعه علشان
مُنقارها طويل يا نادر .. هتنتفلك التلات شعرايات من صدرك من غير ماتحس بوجع
تنتفلي التلات شعرايات من
صدري !... طيب وماله المُلقاط يا إدوارد ماله
المُلقاط !..
مش عارف يا نادر مش عارف
اسأل الدكتور بُلبُل متسألنيش انا . انا ماليش دعوه ..
أو اسأل بجعه بنفسها لما تيجي بكره الصبح ده كان هايحدفني بأوسخ شبشب عنده فالعياده من
التليفون .
***
فيلا نادر وشهد الجونه
الحديقه
الرابعه عصراً ..
عجبك الأكل يا كراويه ..
انا شيلتلك باقي عضم الفراخ علي جنب يمكن تجوع كمان شويه ولا حاجه .
مدام شهد .. في سر جوايا
من زمان عايز اقولهولك بس مخبيه وكاتم جوا قلبي ..
سر من زمان !! . من زمان
إيه يا خربيتك انا أعرفك من امبارح بس ..
يا شهد مدام .. انا اقصد
جوايا انا من زمان .. جوايا انا . قبل ما أعرفك ..
أه اسفه فهمت غلط .. إيه
هو السر ده يا كراويه .. انا تحت أمرك قول انا سمعاك ..
يعني أنطق و أقول ... مش
هتعمليلي حاجه وتقوليلي . ها ست ست ..
لاء مش هاقول ست يا كراويه .. ما تتكلم بقي وتنطق أو تتخرس خالص
ماتوجعليش دماغي .
لاء لاء خلاص هقول ... هقول ..... انا عايز ابوس
إيه ... عايز إيه !!..
عايز ابوس ... ابوس
عايز تبوس ..
أيوه عايز ابوس
حاضر يا كراويه ..
هاتبوس .. هاتبوس يا كراويه .. هو ده السر .
أيوه يا شهد مدام .. هو
ده السر اللي من زمان ..
قولتلي عايز إيه !!
ابوس ... ابووووس
وديني لخليك تبوس يا كراويه
...
چوليت .... چوچو ..... چولي
... چوليت .. تعالي يا حببتي . أيوه هنا شاطره تعالي ..
اتفضل .. بوس ..
بجد يا شهد مدام !!!!
..... بجد .... انا ..... انا مش مصدق نفسي ... الحياه عندكم فري كده
اه .. الحياه عندنا فري
يا كراويه ... بس انا ... عايزه اسألك سوأل ..
قوي قوي تحت أمرك اتفضلي
هو انت فرحان كده ليه !.
.. انت كنت ... تقصد چوليت و عايز تبوس چوليت چوليت ؟.
أيوه .... اقصدها هي
بعينها يا شهد مدام ... هي بعينها ..
طيب وانا .... انا مش
ماليه عينك ولا إيه !!.
لاء انتي إيه ... أعوذ
بالله .... دي من الكبائر حرام .
طيب قوم امشي من هنا ...
قوم امشي .
أهون عليكي ..
أه تهون ... أمشي ..
وبعدين لو لقيتك بتبوص لچوليت تاني هيكون اخر يوم فعمرك .. انت سامع .
***
فيلا إدوارد
البسين
الرابعه والنصف عصراً ..
شانيل تسبح وسط البسين
مرتديه بكيني حار .. يشاركها السباحه إدوارد وهما يمازحان بعضهما
نادر جالساً تحت
البرجوله يدخن سيجاره سارحاً .. ينظر له إدوارد ...
ماتجي يا نادر انزل معانا وكفاياك سجاير وتفكير
يا أخي بقي ارحم نفسك
ما قولتلك البروفيسور بُلبُل هيحل الموضوع و
الدنيا كلها . تعالي تعالي انزل معانا ..
يرن هاتف نادر أمامه علي
الطاوله .. يمسكه بيده ويرد
الو .... أيوه يا صبري .
خير فيه حاجه .
ياريت يا نادر بيه حاجه
وحده بس ... ده فيه حاجات كتير ... كتير قوي يا نادر بيه
عايز اقولك . أنا
الواحيد اللي فالكون ده كله عارف كويس قوي انت اتجوزت شهد بنت الدحديحي بيه ليه
مصايبك بشوفها كل يوم
بعيني . وكل ما اجي افتح بوقي وانطق وأقول للدحديحي بيه علي اللي انت بتعمله
يهزقني و يقولي انا
ماسمحلكش تجيب سيرة نادر جوز بنتي بالشكل ده ... مسكين .. الدحديحي مسكين
اسمع المفاجئه الجميله
دي مني ... شهد مراتك مع عاشيقها الملياردير في فالجونه . وكل الجونه بيتكلموا
عن علاقتهم ببعض وقد إيه
مُنسجمين مع بعض و بيحبوا بعض .. و انت .. انت نايم علي دماغك فالقاهره
خليك زي ما انت نايم ...
سلام يا ... يا متر ..
يظل نادر صامتاً لبعض
الوقت مندهش يفكر .. ثم ينفجر ضحكاً .. يصب كأس ويشربه سريعاً ..
يترك إدوارد
شانيل فالبسين ويصعد ويقترب من البرجوله ويجلس امام نادر وهو يجفف جسده
بالمنشفه
إيه خير يا أبو الأندار
.. ما تضحكنا معاك .. هاتلي كاس هاتلي كاس
.
عايز تضحك يا إدوارد ..
هضحكك ..
هضحكك قوي يا إدوارد
.... شهد بتخوني فالجونه مع ملياردير . والجونه كلها عرفت .
شهد !! .. شهد مراتك !!
. إيه اللي انت بتقوله ده .. مين الوسخ
اللي قالك الكلام ده .
مش مهم تعرف مين ... بس
هو فعلاً طلع وسخ وانا ماكنتش عامل حسابي ولا واخد بالي منه خالص .
اسمع يا نادر .. انا مش
عايزك تتصرف أي تصرف أحمق .. اهدا وفكر كويس وانا معاك
سيبك من شهد خالص دلوقتي
. وخلينا في بجعه اللي جايه الصبح .. بجعه أهم وصحتك أهم
أنت قولت إيه !! ...
قولت إيه يا إدوارد . سمعني كده تاني .
بقولك بجعه أهم ..
بجعه أهم من شهد مراتي .
انت اتجننت !! .
أيوه انا ماقولتش حاجه
غلط يا نادر . لو ما فيش بجعه يبقي مافيش شهد
فهمني هتعمل إيه مع
مراتك من غير بجعه ومن غير بُلبُل .. ماتنطق يا نادر ..
ما تنطق فهمني هتعمل إيه مع شهد مراتك من غير
بُلبُل هتعمل إيه !! .
أتخرس اسكت خالص يا
إدوارد .. أتخرس ماسمعش صوتك .. الله يخربيتك .. بتفكرني ليه ..
***
فيلا إدوارد
الريسبشن
السابعه صباحاً ..
بجعه في قمة أناقتها
شعرها اسود طويل مُنسدل مرتدية ملابس التمريض الحاره و القصيره جداً
جالسه علي الفوتيه . في إنتظار قدوم نادر لأخد
الثلاث شعرايات من صدره .. تأتي إليها شانيل مبتسمه
تحبي تشربي إيه بجعه ..
شكراً آنسه شانيل ملوش
لزوم ... انا جايه اخد التلات شعرايات وامشي علي طول
علشان الدكتور بُلبُل
مستنيهم بفارغ الصبر ..
أه ... اوكيه ... انتي
جميله قوي قوي بجعه .. انتي موزه موزه بجعه موزه
انا اخاف عليكي من
إدوارد هي نايمه .. بس لو هي صحيت وشافتك مش هاتسيبك
علي إيه خليه نايم احسن
. إحنا عايزين التاني هو اللي يبقي صاحي وفايق ديماً .
أهي نادر جت أهي ..
أسيبك تخدي الشعرات منها .. سي يو بجعه .
تذهب شانيل ويأتي نادر
ويقف أمام بجعه تماماً ..
أستاذ نادر انا مش
عايزاك كده ..
يعني إيه مش عايزاني كده
... مش فاهم !! .
أقصد ياريت تقلع هدومك
كلها وتخليك بالبوكسر بس ..
البوكسر بس .!! . وإيه
دخل البوكسر بالتلات شعرايات اللي من صدري .. لو الكلام كده
ماتيجي .. نطلع فوق احسن
.
انت قليل الأدب وانا
هاقول للدكتور بُلبُل علي قلة الأدب دي ..
لاء لاء أبوس ايديك انا
فعرضك ..
أدي يا ستي التي شيرت أهو .. وأدي البنطلون أهو
.. وأدي البوكسر كمان
استنا عندك .. خليك
بالبوكسر بس .. علشان بحب اشوف رسمة سوبر مان اللي مرسومه عليه قوي
بحب أحقق فيها
واتأملها .. أستاذ نادر .. اااايه ...
ممم .... بقول إيه .. ماتيجي نطلع فوق احسن .
ما انا قولتلك كده من
الأول عملتيلي فيها بجعه نافشه ريشها و إنفه ..
يالا بينا نطلع افرجك علي كل الرسومات اللي عندي .
***
فيلا إدوارد
غرفة نوم إدوارد
السابعه والنصف صباحاً
..
إدوارد غارقاً في نوم
عميق يحلم حلم بالنسبه له ... مرعب ..
" الحلم "
إدوارد تحول إلي درة
درة .. مرتديه فستان
طويل أنيق ، جالسه أمام
المرآة وهي تقوم بتصفيف شعرها
الطويل الناعم المُنسدل
ثم تضع عقد من الؤلؤ
الحر علي عنقها و تتحسسه بيدها .. تمسك زجاجة عطر صغيره تضع رشه علي
عنقها ومنطقة الصدر .. تسمع
سارينة سياره بالخارج ... تقف فالحال واضعة يدها علي قلبها مُبتسمه
شاعرة بفرحه عارمه .. تذهب
ناحية شباك الغرفه ... تنظر من خلف الستار إلي السياره .. تضع يداها علي
خدها مُحرجه مكسوفه .
حديقة فيلا إدوارد
تخرج درة من باب الفيلا وهي
في قمة أناقتها .. تتجة إلي السياره . تفتح الباب وتصعد . ثم تغلق الباب .
أنا بجد أسفه إني اتأخرت
عليك يا نادر . أوعدك دي اخر مره اتأخر عليك بالشكل ده مش هعمل كده تاني .
درة حبيبتي أتأخري زي ما انتي عايزه .. انا هستناكي العمر
كله العمر كله يا درة ولا يهمك
انتي حياتي كلها وانتي
عارفه كده كويس وعارفه كمان إن أنا مش بزهق منك ولا بمل أبداً
ريحة البرفيوم بتاعتك بتجنني .. انتي كنتلوبة و اناناسة
قلبي . انتي اناناسة قلبي يا درة .
يمسك نادر يد درة برقه .. يضع عليها قبله حاره بهدوء . تبتسم درة وهي
في قمة الكسوف ..
يضع نادر يده علي عنقها
. يقترب إليها ليقبلها .. تتسارع ضربات قلب درة وتتنهد وتتنهد وتتنهد
لاء لاء يا نادر انا مش
قادره انا .. انا حاسه إني حرانه حرانه قوي .. جسمي كله مش علي بعضه
ايه الإحساس ده إحساس
غريب عجيب اول مره احسه .. انت إيه يا أخي فهمني ... انت ساحر ولا إيه .
لاء انا مش ساحر .. انا
حبيبك . حبيبك يا درة .. انا هاخدك دلوقتي ونروح بيتي سوا .. بس سامحيني
سامحيني من النار اللي
هتولع في جسمك كله . مش بعيد الشقه كلها تولع بينا انا وانتي .. ربنا يستر
يستيقظ إدوارد من نومه مفزوع
.. يجلس علي السرير ماسكاً عنقه . ثم يَصلِب علي صدره بيده .
حلم إيه ده بس يا ربي !.
حلم إيه ده !.. دي مُصيبه مش حلم مش حلم
ابداً .. لكن .. لكن
هاهاها .. انا كويس كل
حاجه كويسه .. كل حاجه موجوده في مكانها ماتحركتش ولا زادت ولا نقصت
اشكرك يا رب انا كويس
اشكرك هاهاهاها انا كويس . انا ..
يسمع إدوارد صوت نادر
متداخلاً مع صوت حريمي أتياً من الغرفه المجاوره . ضحكات وصرخات
وأهات ودربكه شديدة وخبط
ورزع ..
إيه ده !.. هو نادر نايم
مع وحده فالأوضه اللي جنبي ولا إيه .. لاء ... نادر ... نادر لاء .. إزاي !.
أمتي ! .. فين !.. مين ! .. ده مش صوت شانيل أبداً .. امال مين اللي معاه دي
!.
يا نهار أسود امال مين اللي معاه وبيعمل معاها
إيه .!! عايز أفهم .. دي صوتها حلو قوي
يقف إدوارد فالحال و
يتسحب بخطوات هادئه تاركاً غرفته متجه إلي غرفه نادر المجاوره . يقف امام
الباب تماماً .. يضع
آذنه علي الباب ليسمع ما يدور بالداخل .
لاء لاء براحه مش كده مش
كده يا أستاذ نادر هاتئذيني وتأذي نفسك . العنف وحش قولتلك .
مش قادر مش قادر ارجوكي
ارحميني ارحميني انا ماشوفتش كده ولا هاشوف . اعملي حاجه بسرعه
طيب أعملك إيه قولي وانا
أعملك كل اللي انت عايزه .. عايز تبقي فوق وانا تحت .. انا تحت امرك
عايز تبقي تحت وانا فوق
انا برضو تحت أمرك .. أنت تعبتني تعبتني أعصابي سابت منك بجد
أو سيبلي نفسك انت خالص
وانا هاريحك . صدقني هاريحك .
يضع إدوارد يده علي مقبض
الباب . ثم يتراجع .. ثم يضع يده .. ثم يتراجع
يفتح الباب فاجئه عليهم
.. ينظر أمامه مباشرة .. يدعك عينيه الأثنتين بيده من هول المنظر .
***
عيادة الدكتور
بُلبُل الببلاوي
أخصائي ذكوره
وعقم وأعضاء تناسليه وجلديه ونساء وتوليد
وغدد حفظاء
صماء
جبتي التلات شعرايات
معاكي يا بجعه . ولا الأستاذ نادر تعبك قوي معاه زي ما الأستاذ إدوارد قالي
مالك متوتره كده ليه
وجناحاتك بتخبط في بعضها .. اقعدي . اقعدي يا ست هانم علشان اشوف المُصيبه
اللي انتي هببتيها . اترزعي اقعدي .. بقي انا اول يوم اسيبك فيه حره طاليقه تطيري
براحتك وترفرفي
تقومي تجيبيلي العار ..
بُلبُل الببلاوي يجيله العار من بجعه هايفه زيك ..
دكتور بُلبُل .. انا
ونادر اتفقنا نتجوز ونقضي شهر العسل فالشانزليزيه . دي حياتنا احنا
أحرار وبراحتنا
ومش عايزين حد يتدخل بنا حتي لو حضرتك يا دكتور بُلبُل .. انا
اختارته وهو اختارني .. ولو خلفنا ..
استني . لو إيه !.. قولي تاني
كده سمعيني .. لو خلفتوا ..
طيب ازاي .. فهميني . إديني أماره انكم ممكن تخلفوا .. ده ممسوخ وملبوس وممسوح زيك بالظبط
اسمعي .. لمي ريشك كله
من بيتي ومن مكتبي وحضري شنطتك وغوري في ستين داهيه مش عايز
أشوف وشك هنا تاني ..
قومي اتحركي .. قومي
استني عندك ... هاتي
التلات شعرايات .. هاتي
أتفضل .. واحد .. اتنين
.. تلاته ..
امشي غوري من وشي روحي
حضري شنطتك . امشي . امشي .
***
فيلا نادر وشهد الجونه
الحمام
ينهاري . يعني إيه مش
عارف تتهبب علي عينك تصلح حنفيه يا كراويه
البيت كله غرق اتصرف
اتصرف اعمل حاجه .
شهد مدام .. انا بقالي
اربع ساعات بحاول أسدها مش راضيه مش راضيه
هي إيه اللي مش راضيه
الله يخربيتك علي بيت اليوم اللي عرفتك فيه
والحل إيه دلوقتي قولي .....
ما تتهبب تنطق
الحل يا مدام شهد .. إني
اقفل المحبس العمومي اللي قدامك ده .. هو
ده الحل اللي عندي
طيب انت ماعملتش كده ليه
من الأول يا كراويه .. ماعملتش كده ليه من الأول
ااااه .. فهمت فهمت ..
انت بقي مخلي المايه تغرق البيت كله .. علشان المايه تدخل
الأوضه اللي انا حبسه فيها چوليت وندخل ننقذها انا
وانت .. علشان انت تشوفها
مممم .. ده بُعدك .. بُعدك
يا كروايه تشوف چوليت ولا تلمح طرف ديلها بعينك
اتحرك اقفل المحبس البيت كله غرق .. اتحرك ..
***
فيلا إدوارد
سماع جرس الباب ..
تفتح شانيل الباب . لتجد بجعه امامها حامله
بيدها شنطة سفر كبيره . ويبدو علي ملامحها الحزن
بجعه !! .. مالك بجعه ..
أخلاً أخلاً اتفضلي
يأتي نادر و إدوارد اثناء
دخول بجعه وهي منهاره تبكي وشانيل تواسيها
بجعه مالها يا إدوارد ..
هي النتيجه بتاعت التحاليل طلعت ولا إيه .. هي بتعيط ليه كده !.
انت بتضحك ليه يا إدوارد
ماتفهمني يا اخي فيه إيه !؟؟
شانيل وصلي بجعه هانم
الأوضه بتعتها فوق ..
تعالي معايا يا نادر انا
هفهمك كل حاجه .. علشان تعرف انا قد إيه صديقك الصدوق
صديقي الصدوق إيه وهباب
إيه علي راسك ماتنطق ..
اقعد اقعد إهدا بس يا
نادر واسمعني .. اولاً انا بذكائي الماكر خليت البروفيسور بُلبُل يطرد بجعه
من عنده .. علشان تيجي
تعيش معانا هنا .. وتعيش معاك انت بالأخص
هي مش شهد مراتك عندها
ملياردير .. انت مش أقل منها .. انت كمان عندك المليارديره بجعه هانم
وغير كده .. انا لما
فتحت الباب عليكم شوفت السعاده وهي بتنط من عينك وانت معاها
بصراحه يا نادر يا رتني
مكانك .. بصراحه جسم بجعه يحرك أي حجر . أي حجر يا نادر ..
***
فيلا الدكتور
بُلبُل الببلاوي
غرفة المكتب
يا نعامه .. نعامه ...
انتي ياللي اسمك زفت نعامه
أيوه .. أيوه يا دكتور
بُلبُل انا تحت امرك
فين عصير الهباب الطماطم
... تعالي اقعدي قصادي هنا عايز أتكلم معاكي . اتفضلي اقعدي .
اولاً يا ست هانم .. مش
انتي الأولي ولا الأخيره اللي هاتيجي وتشتغل معايا وتبقي المساعده بتعتي
في غيرك كتير علي مدار
مليون سنه سابوني ومشيو .. لإنهم جابولي العار ... العار يا نعامه العار
اولهم كانت حمامه
وبعديها حدايه وسمانه وهُدهُده وبطه ووزه .. واخرهم بجعه .. بجعه الخاينه
كل الطيور دول كنت بعطف
عليهم وبأكلهم بأيدي واحطلهم الحبوب علي شعر راسي من فوق
وفي الأخر مايتمرش فيهم
ويجبولي العار .. العار يا نعامه العار
إزاي يجبولك العار يا
دكتور بس .. دول مجرد ناس بتشتغل عندك يعني
مافيش أي صلة قرابه
علشان انت تزعل بالشكل ده و تشغل تفكيرك بيهم .
لاء ازاي .. اللي يخرج من داره يتقل مُنقاره .. دي حاجات ملكيش دعوه انتي بيها
انتي نسيتي نفسك و قاعده
ترغي معايا ولا إيه .. قومي اتحركي روحي جيبيلي عصير الطماطم
اتحركي قومي . قومي أمشي
من وشي ..
***
فيلا إدوارد
غرفة إدوارد
السابعه مغرب ..
يدخل إدوارد غرفته وهو
يدندن ويغني سعيد .. يلمح أمامه فاجئه نادر ناديه
واضعه يدها علي بطنها
تتألم وتتلوي بشده
أعوذ بالله .!. إيه ده
يا نادر انت بتعمل إيه فالأوضه بتعتي . شكلك بشع قوي قوي
انا مش عايز الأشكال دي
تدخل عندي هنا الأوضه لحسن الأوضه تتلبس .
إلحقني يا إدوارد ..
إلحقني بموت . بموت بطني بتتقطع مغص مغص فظيع .
طيب طيب اقعد علي السرير
سلامتك ريح نفسك .
إدوارد .. ممكن اطلب منك
طلب .. بس ارجوك استر عليا وماتفضحنيش قدام شانيل وبجعه .
أأمر يا نادر يا حبيبي
ولا يا ناديه أأمروني انتوا الأتنين .
روح الصيدليه فوراً اشتريلي فوط صحيه مش قادره مش قادر .
نعم يا اخويا اروح فين
!! .. واشتري إيه . فوط صحيه . انت مجنون
إذا كان انا ماشترتهاش
لنفسي .. اشتريهالك انت ..
وانت هاتشتريها لنفسك
ليه يا عبيط يا غبي .!
انا فعرضك روح فوراً هاموت
يا إدوارد هاموت هاموت . وهات مُسكن كمان معاك
استنا .. ابوس ايدك وانت
جاي إياك حسك عينك شانيل ولا بجعه يعرفوا معاك إيه
خبي إيدك وانت جاي الأوضه .
***
الصيدليه
يدخل إدوارد بهدوء من باب الصيدليه وهو ينظر يمينا
ويساراً يبدو عليه الحرج
فيأتي إليه صيدلي من خلف الفترينه الزجاجيه . ملامحه
جاده وصوته اجش ..
أأمر حضرتك .
من فضلك عايز ااايه ... عايز ... فوط صحيه .
مقاس كام ... وبجناحات
ولا عاديه ؟ .
إدوارد في قمة الإحراج
.. مُحدثاً باله
مقاس كام وبجناحات ولا عاديه !.
يعني اللي بجناحات هاتطير مثلاً والتانيه هترقد عالبيض
هو انا هشتري الفوط دي
لبجعه ولا لنادر ناديه .. إيه المُصيبه السوده دي يا ربي .
ااايه ... ااايه ... هات
الأتنين وإحنا نجرب .
نعم .!!
أقصد هو .. هو يجرب .
نعم .!!
هي .. هي اللي تجرب
بقولك إيه . امسك الفلوس
دي كلها وهاتلي كل العبوات اللي متهببه عندك جوا .
" كل عام وانتم
بخير عيد فطر سعيد "
محمد فيوري .
" جزء جديد قريباً "
تعليقات
إرسال تعليق