"  قط وفار "

للكاتب : محمد فيوري

تصنيف : قصة أغنيه

" كوميديا خفيفه "

اللغة : عاميه مصريه

السن :  متاح للجميع

الأجزاء : 1 فقط

تاريخ النشر : 17-9-2020

" نحن نهتم أن تتخيل ما تقرأ "

 

                                                   بيت قمر وفادي

الرابعه عصراً ..

 

 قمر فالمطبخ  مركزه و منهمكه في تقطيع البصل والثوم ووضع التوابل

 لتحضير وجبة غداء طلبها منها زوجها الغالي العزيز  فادي   " سمك مشوي و مقلي  "

 

الرابعه والنصف ..

 

 وضعت قمر الأسماك علي المشواة  وانتظرت قليلاً ثم قامت بتقليبهم علي الجهة الأخري

شعرت بملل وهي تنظر للدخان المتصاعد إلي ألشفاط .  فأمسكت بهاتفها المحمول

 وابتعدت عن المشواة و المطبخ وذهبت إلي الريسبشن وجلست . بدأت تتصفح الفيس

بوك الخاص بها وبعض القنوات علي اليوتيوب ، ووجدت موقع روايات فيوري صدفة

وأنشغلت أكثر بقراءة بعض القصص والروايات ومانسيتش تعمله سبسكرايب .. 

 شعرت بملل مره أخري . فقامت بالإتصال بزوجها فادي ..

 

ألو .. أنت فين أتأخرت ليه أنا قربت أخلص الغ ... يا نهار أسود

 

" فادي " ..  ألو ألو . فيه إيه يا قمر مالك في إيه ردي عليا . يا قمر في إيه "

 

ذهبت قمر مسرعه الي المطبخ ووجدت الأسماك عباره عن  . فحم أسود هش !.

 

معلش يا فادي يا حبيبي أنا أسفه كنت هقولك الغدا جاهز بس أتحرق زي كل مره

 

يا شيخه قلقت عليكي ولا يهمك أنا جاي فالطريق وماتشليش هم خالص هاجيب غدا

معايا من نفس المطعم  زي كل مره ..

 

أنهت قمر المكالمه مع فادي وهي مُحرجه ومتعصبه جداً جداً جداً لأنها ليست المره

الأولي .. بل .. الألف ..

 

الخامسه مساءً ..

 

قامت  قمر بتحضير سفرة الطعام وأضعة شمعتين وبوكيه ورد كبير وبعض الكؤوس

والأطباق والملاعق والشوك والسكاكين والعصائر والمياه الغازيه وأنواع فاخره

من الشوكولا و كيك الفراوله وكيك الأناناس وبعض الفواكه موز ومانجو وتفاح وبطيخ

وكيكي عفواً كيوي ورمان وبرتقال وعنب  وتوت بري أحمر وأسود وموف وبرتقالي

يعني من الأخر فتحت محل فكهاني علي السفره ..

 

وأخيراً وصل زوجها فادي إلي البيت .. لترحب به قمر بوضع قُبلة طويله علي خده

.. بجد يا فادي أنا أسفه ..

 

ما أنا قولتلك ولا يهمك وبعدين خدي ده أتهري بوس يا قمر من كتر الأعذار بتعتك

يا ريت تغيري الخد ده المره الجايه .. أنا جبت معايا ألذ أكلة سمك وجمبري فالعالم

هاخد شاور عالسريع وأرجع الأقيكي محضره السفره علشان هاموت من الجوع ..

 

روح يا حبيبي وماتتأخرش علشان الأكل مايبردش وأنا كده كده محضرالك السفره ..

 

أه صحيح يا قمر ما تتصلي بصحبتك شيماء تيجي تتغدا معانا ، كفايا إن هي كل مره

بتساعدك وبتخبي علي عمايلك وأكلك اللي بيتحرق كل يوم . وهي اللي بتعمل الأكل

 أوقات كتير وأنا عارف ..

 

تتصدق فكره يا فادي أنا هتصل بيها .. روح أنت بسرعه بقي للشاور الأكل هيبرد .

 

سفرة الطعام

 

شيماء جالسه ناحية يمين فادي وعلي وجهها الإبتسامه سعيده 

وقمر جالسه ناحية يسار فادي وهي تقوم بإشعال الشمعتين بسعاده

وفادي هايطير من الفرح والسعاده معاً ..

 

يمسك فادي الشوكه ويقوم بتقديم الطعام في طبق شيماء وهو ناظراً لها ولهان

وشيماء أيضاً ولهانه .. وقمر بطرف عينيها شايفه وعامله نفسها هبله بس هي

مش هبله .. نقدر نقول بتحاول تكبر دمغها ..

 

شيماء : يا فدي أنت حطيت كتير قوي كفايا كفايا الأكل بيقع من الطبق .

 

فادي : أنا أسف  ولا يهمك فداكي الطبق اللي وقع  أجيبلك طبق تاني .

 

شيماء : يا فادي أنا بقولك الأكل اللي بيقع من الطبق مش الطبق اللي وقع واتكسر

وبعدين انا مش غريبه علشان تعمل معايا كده و بجد أنا هزعل سيبني براحتي ..

 

قمر بغيره خفيفه ..  فادي أنت ليه ماحطتليش أكل ليا في طبقي !.

 

علشان هي ضيفه عندنا يا قمر مايصحش ، وبعدين أنا لقيتك مشغوله

وبتولعي فنفسك أقصد بتولعي فالشمع قولت أضايف القمر أضايف

أضايف شيماء يا قمر ..

 

شيماء : يا جماعه بليز مش عايزاكم تتخانقوا زي كل مره بسببي أنا كل

مره بقول مش هاجي وباجي برضو علشان فادي قصدي علشان أفادي  

وأحوش المشاكل اللي بتحصل بنكم دي مش معقول ..

 

قمر : لاء يا شيماء إحنا عمرنا ما اتخنقنا ياريت بقي ناكل علشان الأكل بجد

بقي بارد . و ضايف القمر يا فادي ضايف شيماء يا حبيبي .

 

سفرة الطعام

 

الثانيه عشر منتصف الليل ..

 

مازال فادي و قمر و شيماء جالسون علي سفرة الطعام

 سفرة الطعام كما هي والأكل كما هو وجميع الفواكه كما هي

و طبعاً وأكيد الأكل أصبح أربعين تحت الصفر وبارد جداً جداً ..  

 

لاء يا فادي أنت لمست أيديها وأنا شوفتك وكبرت دماغي . أنا هبله وعامله نفسي

مش هبله أقصد أنا مش هبله بس عامله نفسي هبله . براحتك عايز تلمس ايديها إلمسها

وبص لعيونها وأتأمل في ملامحها وقول أشعار في لون شعرها الناعم الطويل 

ولا ودنها و رموشها ومناخيرها وبوقها وبشرتها الناعمه وجسمها وطولها  ولبسها وجزمتها

بس أنا مش نايمه نينه علي دماغي وعندي كرامه وهقلب السفره دي كلها دلوقتي وأكيد 

علي دماغك ودماغها وأدوس عليك وعليها بالج ...

سميره سعيد قط وفار رجاء الضغط علي العلامه الخضراء لسماع الأغنيه

MP4

أسماء الشخصيات الحقيقيه المذكوره فالقصه " فادي  " فقط .

دمتم بخير : محمد فيوري 

" جميع قصص " قصة أغنية " هي قصص حقيقية لأشخاص حقيقيون يعشون لحظاتها

فالواقع والوقت الحالي وأثناء كتابة القصه و نشرها " 

 { لكتابة قصة أغنيه تواصلوا معنا و اتصلوا بنا }

1- الإسم الحقيقي و اسم الدولة .                                       

2- كتابة أسطر مختصرة عن نوع وتطورات ألعلاقة العاطفية أو الإنسانية .     

3- اسم الأغنية المفضلة والقريبة  بشعور ومواقف الحالة أو ترك الإختيار لنا .

" ذكر الأسماء الحقيقية للشخصيات إختياري . لابد من إعلامنا  " 

لغة القصة عامية مصرية . أحداث القصة تدور داخل مصر فقط . أياً كانت الجنسية .

سنعلن أسم الدوله الحقيقية والمدينة المُرسل منها القصة في أخر القصة .